6 ଇନେକିଦେଂକି ଏଚେକାଡ଼୍ଦ ଆପ୍ ଉପାୟ୍ ହିଲ୍ୱାକା ମାଚାପ୍, ହେପାଦ୍ନା କ୍ରିସ୍ଟ ସମାନ୍ ସମୁତ ପାର୍ତି କିୱାକାର୍ କାଜିଂ ହାତାନ୍ । 7 ଦାର୍ମିର୍ ମାନାୟ୍ କାଜିଂ ଆରେ ରୱାନ୍ ଜାର୍ତି ପାରାଣ୍ ହିନାକା ବେସି ହୁଡ଼୍ୟା ଆଉତ୍ । ଆତିସ୍ ଇମ୍ଣାକାନ୍ ପା ହାର୍ କାଜିଂ ଇନେର୍ ହିଦେଂ ଜାଲ୍ଦି ଆଦେଂ ଆଡ୍ନାନ୍ । 8 ମାତର୍ ଆପ୍ ପାପି ମାନି ସମୁତ ପା କ୍ରିସ୍ଟ ଜେ ମା କାଜିଂ ହାତାନ୍, ହେବେ ଇସ୍ୱର୍ ମା କାଜିଂ ଜାର୍ ଜିଉନନାକା ହପ୍ତାନ୍ନା । 9 ଲାଗିଂ, ଇଦାଂ ଆରେ ହାତ୍ପା ଜେ, ଆପ୍ ନଙ୍ଗ୍ୟ୍ ହେୱାନ୍ତି ନେତେର୍ ହୁକେ ଦାର୍ମି ଗାଣାକିୟାନାକା ଆତିଲେ ହେୱାନ୍ ହୁକେ ଇସ୍ୱର୍ତି ରିସାତାଂ ରାକ୍ୟା ପାୟାନାସ୍ । 10 ଇନେକିଦେଂକି ଆପ୍ ସାତ୍ରୁ ମାନି ସମୁତ ଜଦି ଇସ୍ୱର୍ ଲାହାଙ୍ଗ୍ ହେୱାନ୍ତି ମାଜ଼ିତି ହାକି ହୁକେ ମେହା ଆତାପ୍, ତା ଆତିସ୍ ଇଦାଂ ଆଦିକ୍ ହାତେନେ ଜେ, ଆପ୍ ମେହାଜ଼ି ହେୱାନ୍ତି ଜିବୁନ୍ ହୁକେ ମୁକ୍ତି ଆନାସ୍ । 11 ଆରେ, କେବଲ୍ ହେଦାଂ ଆକାୟ୍, ମାତର୍ ମା ଇମ୍ଣି ମାପ୍ରୁ ଜିସୁ କ୍ରିସ୍ଟତି ହୁକେ ଆପ୍ ନଙ୍ଗ୍ ମେହାଜ଼ି ଲାବ୍ କିତାପ୍ନା; ହେୱାନ୍ତି ହୁକେ ଆପ୍ ଇସ୍ୱର୍ ତାକେ ଗରବ୍ ପା କିନାପା ।
Publicidade