2 ହେଦାଂ ଇନାୱାଡ଼ାଂ ପା ଆମେତ୍‌ । ପାପ୍‌ କାଜିଂ ହାକି ଜେ ଆପ୍‌, ଆପ୍‌ ହେବେ ଇନେସ୍‌ ଆରେ ଜିବୁନ୍‌ କାଟି କିନାସ୍‌ ? 3 ଆପ୍‌ ଏଚେକ୍‌ ମାନାୟ୍‌ ଜିସୁ କ୍ରିସ୍ଟତି ତାକେ ବାପ୍ତିସିମ୍‌ ଆତାପ୍‌ନା, ୱିଜ଼ାର୍‌ ଜେ ହେୱାନ୍‌ତି ହାକିତ ବାପ୍ତିସିମ୍‌ ଆତାପ୍‌ନା, ଇଦାଂ କି ଏପେଙ୍ଗ୍‌ ପୁନୁଦେର୍‌ ? 4 ✝୬:୪ କଲସିୟ ୨:୧୨.ଲାଗିଂ, ଆପ୍‌ ବାପ୍ତିସିମ୍‌ ହୁକେ ହାକିତ ହେୱାନ୍‌ ଲାହାଙ୍ଗ୍‌ ମୁଚ୍‌ୟା ଆତାସ୍‌ନା, ଇନେସ୍‌ କ୍ରିସ୍ଟ ଆବାତି ଜାଜ୍‌ମାଲ୍‌ ହୁକେ ହାତାକାର୍‌ ବିତ୍ରେ ଇନେସ୍‌ ନିଙ୍ଗ୍‌ତାନ୍‌, ଆସେଙ୍ଗ୍‌ ପା ହେ ବାନି ଜିବୁନ୍‌ନି ପୁନି ବାବ୍ରେ ବେବାର୍‌ କିନାସ୍‌ ।

5 ଇନେକିଦେଂକି ଜଦି ଆପ୍‌ ହେୱାନ୍‌ତି ହାକିନି ଲାକେ ହାତିସ୍‌ ହେୱାନ୍‌ତି ଲାହାଙ୍ଗ୍‌ ଏକ୍‌ ଆତାପ୍‌ନା, ତା ଆତିସ୍‌ ହାତ୍‌ପା ହେୱାନ୍ତି ଆରେ ନିଂନାକା ଲାକେ ପା ନିଙ୍ଗ୍‌ଜି ହେୱାନ୍‌ତି ଲାହାଙ୍ଗ୍‌ ଏକ୍‌ ଆନାସ୍‌ । 6 ଇନେସ୍‌ ଆସେଙ୍ଗ୍‌ ଆରେ ପାପ୍‌ନି ଆଡ଼ିଏନ୍‌ ମାନୁସ୍‌, ଇଦାଂ କାଜିଂ ପାପ୍‌ନି ଗାଗାଡ଼୍‌ ନସ୍ଟ ଆନି କାଜିଂ ମା ପ୍ଡାନି ଗୁଣ୍‌ ଜେ ହେୱାନ୍‌ତି ଲାହାଙ୍ଗ୍‌ କ୍ରୁସ୍‌ତ ହାତାନ୍ନା, 7 ଇଦାଂ ତ ଆପ୍‌ ପୁନାପ୍‌, ଇନେକିଦେଂକି ଇନେର୍‌ ହାତାନ୍ନା, ହେୱାନ୍‌ ପାପ୍‌ତାଂ ମୁକ୍‌ଡ଼ା ଆତାନ୍ନା ।