20 နောက်တနေ့ နက်စာစောစောအချိန်နှိုက် သူလို့ဟ လမ်းတလျှောက် လမ်းဆှောက်သွားကြစဉ်၊ သင်္ဘောသဖန်းပင်ဟို မျော်လေအယ်။ အဲအပင်ဟ အမြစ်မှစယွေ့ တပင်လုံး ညှိုးနွမ်းလျက်နေအယ်။ 21 ပေတရုဟ ဖြစ်ပျက်ခဲ့တာတွေဟို သတိရပင်း "ကျေ့မန့်၊ ဆရာ၊ နင်ကျိန်ဆိုခဲ့သော သင်္ဘောသဖန်းပင်ဟ သေဆုံးသွားပီ" ဟု ယေရှုအား ပြောလေအယ်။
22 ယေရှုဟ "ဘုရားသခင်ဟို ယုံကြည်ခြင်း ဆိလော့" ဟု သူလို့အား ပြန်ပြောလေအယ်။ 23 ၁၁.၂၃ မ ၁၇.၂၀; ၁ ကော ၁၃.၂"အမန်အကန် နင်လို့အား ငါဆိုတာဟ စသူမဆို ဟေတောင်အား ‘ရွေ့သွားယွေ့၊ ပင်လယ်ထဲဟို ဆင်းဝါးလော့’ ဟု ဆိုလျက် သူလို့ စိတ်နေလုံးအတွင်းတွင် ယုံမားခြင်းမဆိဘဲ သူလို့ ပြောဆိုလဲ့အတိုင်းဖြစ်မယ်ဟု ယုံကြည်ရင်၊ အဲသူလို့ပြောလဲ့အတိုင်း ဖြစ်လိမ့်မယ်။ 24 ဟေအကျောန်းကျောန့် နင်လို့အား ငါဆိုတာဟ၊ နင်ဆုတောင်းသောအခါ တောင်းဆှောက်သမျှဟို ရဆိလိမ့်မယ်ဟု ယုံကြည်ကြလော့၊ နင်လို့ တောင်းသမျှဟို ပေးလိမ့်မယ်။ 25 ၁၁.၂၅,၂၆ မ ၆.၁၄,၁၅နင်လို့ဟ ရပ်လျက် ဆုတောင်းသောအခါ၊ တစုံတယောက်အပေါ် အပစ်တင်စရာ ဆိရင်၊ သူလို့ဟို ခွင့်လွှတ်မန့်၊ အေးလို့မှသာ ခေါန်းခင်ဘုံနှိုက် ဆိသော နင်လို့ အဖဟ နင်လို့ရဲ့ အပစ်များဟို ဖြေလွှတ်ပေးလိမ့်မယ်။"