5 တဘဲ့တော်လို့ဟ အိန်တဖက်ကမ်းဟို လာကြသောအခါ သူလို့ဟ မုန့်ဟို ယူဖို့ မေ့ခဲ့ကြအယ်။ 6 ၁၆.၆ လု ၁၂.၁ယေရှုဟ သူလို့အား "ဖာရိရှဲနဲ့ ဇဒ္ဒုကဲလို့ရဲ့ တဆေးဟို သတိနဲ့ ဆှောင်ကြလော့" ဟု မိန့်အယ်။
7 တဘဲ့တော်လို့ဟ "ငါလို့ မုန့် မယူလာခဲ့သောကျောန့် ဖြစ်အယ်" ဟု အချင်းချင်း ပြောဆိုလျက် နေကြအယ်။
8 အေးလို့ ပြောဆိုနေတာဟို ယေရှုသိသဖြင့် သူလို့အား "ယုံကြည်ခြင်း အားနည်းသူလို့၊ နင်လို့ဟ မုန့်မပါကျောန်းဟို မစာကျောန့် အချင်းချင်း ဆွေးနွေးနေကြလုန်း။ 9 ၁၆.၉ မ ၁၄.၁၇–၂၁နင်လို့ နားမလည်နိန်ကြသလော။ မုန့်ငါးလုံးဟို လူ ၅,၀၀၀ စားယွေ့ စနေတောင်း ကောက်သိမ်းရတာဟို နင်လို့ သတိမရကြသလော။ 10 ၁၆.၁၀ မ ၁၅.၃၄–၃၈အဲဟာမဟုတ်ရင် မုန့်ခုနေလုံးဟို လူ ၄,၀၀၀ စားယွေ့ စနေတောင်း ကောက်သိမ်းရတာဟိုလည်း သတိမရကြသလော။ 11 မုန့်နဲ့ ပတ်သက်ယွေ့ နင်လို့အား ငါပြောနေခြင်း မဟုတ်ကျောန်းဟို နင်လို့ မစာကျောန့် နားမလည်ကြတာလုန်း။ ဖာရိရှဲနဲ့ ဇဒ္ဒုကဲလို့ရဲ့ တဆေးဟို ဆှောင်ကြလော့" ဟု မိန့်အယ်။
12 အဲပင်းရင် တဘဲ့တော်လို့ဟ မုန့်လုပ်တဆေးဟို ဆှောင်ရန် ပြောတာ မဟုတ်ဘဲ ဖာရိရှဲနဲ့ ဇဒ္ဒုကဲလို့ရဲ့ သွန်သင်ချက်များဟို မလိုက်နာရန် ကိုယ်တော် သတိပေးကျောန်း နားလည်ကြအယ်။
ယေရှု အကျောန်း ပေတရု ထုတ်ဖော်ဝန်ခံချက်
(မာကု ၈.၂၇–၃၀; လုကာ ၉.၁၈–၂၁)