6 နန်းနို့လေဟှာ ခုခီမာ စောင်ဇမ်းနှော့-က်ယှစ်ရှင်း ဘောန်းဇောင်ကြောန့် ရှစ်ဟှား ဝန်းနဲရဟှူလည်းဘဲ့ ရင်းရင်ဒူးဟှ ပြောဟှားဟှူ ကြောန်းရာလေအားဖြင့် ရွှင်လန်းဟှူစိ ရှိဂေ့ပါ။ 7 ရယ်ကျိုဘီး စောင်ဇမ်းရှင်းဟှို ခံနိုင်ဟှူလည်းဘဲ့ ပျစ်စီးတတ်ဟှူ ရွှေထတ် ရရာတိုင်း ဖိုးကီးဟှူ နန်းနို့လေရဲ့ ယောင်ကြည်ရှင်းဟှို စစ်ကြောစောင်ဇမ်းရှင်းဟှာ ယေရှုခရစ်တော် ပေါ်ထွပ်တော်မူဟှူ ခီမာ ချီးမွမ်းရှင်း၊ ဖောင်းသရေတော်န ဂေါင်သရေဖြစ်ဟှို ရော့-က်ဟှို့တွပ် ဖြစ်ဟှယ်။ 8 နန်းနို့လေဟှာ အယ်သခင်ဟှို ဗြင်ဖူးဘဲနေဟှူလည်းဘဲ့ ရှစ်ဂေ့ဟှယ်။ ခုလည်း ဗြင်ဘဲန ယောင်ကြည်ရှင်းအားဖြင့် ဖောင်းသရေတော်န စပ်ဆိုင်ဟှူ ပြောဟှို့မှီနိုင်ဘဲဟှူ ရွှင်လန်းရှင်းန ဝန်းသာဂေ့ဟှယ်။ 9 အယ်ဇာဟှ စိဝိညာဉ်ဟှို ကယ်တန်ရှင်းဖြစ်ဟှူ ယောင်ကြည်ရှင်းရဲ့ ကျိုးဟှို ခံစားရရှင်း ဖြစ်ဟှယ်။