ခရစ်တော်ကြောန့် အောန်မြင်ဟှူကြောန်း
14 အယ်ဘေမဲ့ နို့လေဟှို ခရစ်တော်အားဖြင့် မြဲဒမ်းအောန်ဗွဲဟှို ခံစေဘီးဟှာ ကိုယ်တော့်ဟှို သိရှင်းရဲ့ မွှီးနံ့ဟှာ နေရာတိုင်းဟှို နို့လေအားဖြင့် ပ္လံ့နှံ့စေဟှူ ဘုရားသခင်ရဲ့ ကျေးဇူးတော်ဟှို ချီးမွမ်းဟှယ်။ 15 ဖြားဖြစ်ကြောန့်နူးဆိုဟှာ နို့လေဟှာ ဘုရားသခင်ဟှို ခရစ်တော်ပူဇော်ဟှူ ရရာတိုင်း မွှီးဟှူနံသာနံ့ ဖြစ်ဟှယ်။ အယ်နံ့ဟှာ ကယ်တန်ရှင်း ခံရခါနီးဟှူ လူလေနားဟှိုရော၊ ပျစ်စီးဆောင်းရှောင်းခါနီးဖြစ်ဟှူ လူလေနားဟှိုရော ပ္လံ့နှံ့ဟှားဟှယ်။ 16 ပျစ်စီးဆောင်းရှောင်းခါနီးဖြစ်ဟှူ လူလေတွပ် အယ်နံ့ဟှာ သေရှင်းရဲ့နံ့ ဖြစ်ဘီး ကယ်တန်ခံနေရဟှူ လူလေတွပ် သတ်ရှင်ရှင်းရဲ့နံ့ ဖြစ်ဟှယ်။ အယ်ကြောန့် အယ်မျိုးမှုဟှို ဖယ်သူဟှ လောက်နိုင်ဟှို့နူး။ 17 နို့လေဟှာ တခြားလူဘောင်ဂီးလေမျိုး ဘုရားသခင်ရဲ့ စကားတော်ဟှို ပေါဇားကူပစ်စီးမျိုး ရောန်းဝယ်ဇာလေမျိုး လောက်ဂေ့ဟှ။ အယ်ဘေမဲ့ နို့လေဟှာ ဘုရားသခင် စေလွှတ်ဟှားဟှူ လူလေဖြစ်ဘီး ခရစ်တော်နှိုက် စေခံလေနေန ဘုရားသခင်ရဲ့ ရှေ့မာ စကားတော်ဟှို စိရှင်းရှင်းန ဟောပြောဂေ့ဟှယ်။