8 အယ်ဘေမဲ့ ရှစ်ရဟှူသူလေ၊ ဘုရားသခင်တွပ် နေ့ရစ်တရစ်ဟှာ နှစ်တထောန်ဖြစ်ဟှူမျိုး နှစ်တထောန်ဟှာ နေ့ရစ်တရစ်ဟှူမျိုး ဖြစ်ဟှယ် ဆိုဇာဟှို မေ့ဂေ့န။ 9 နှေးဟှယ် ဆိုဘီး တချို့လူလေ ထန်မှတ်နေဘေမဲ့ ဘုရားသခင်ဟှာ ဂဒိတော်ရာမာ နှေးတော်မူဟှ။ ဖယ်သူလည်း ပျစ်စီးဘဲန လူတိုင်းနောန်ဒရဟှို့တွပ် လိုတော်ရှိဟှူကြောန့် နန်းနို့လေဟှို သီးခံတော်မူလေဟှယ်။

10 ✝ ၃.၁၀ မ ၂၄.၄၃; လု ၁၂.၃၉; ၁ သက် ၅.၂; ဗျာ ၁၆.၁၅ ခိုးဟှာ ညဉ့်ဖတ်မာလာတတ်ဟှူမျိုး သခင်ဘုရားရဲ့ နေ့ရစ်ဟှာ လာလေ့မယ်။ အယ်နေ့ရစ်မာ ကောန်းဂန်ဟှာ ရရာတိုင်း က္လယ်ဟှူသံနတူးဒူ ပျော့-က်ဟှားလေ့မယ်။*၃.၁၀ ပျော့-က်ဟှားလေ့မယ်၊ တချို့ မူရင်းလတ်ရေးမူလေမာ ပါရှိဟှယ်၊ တချို့လေမာလည်း မီးရှို့ခံရဟှယ်၊ မူရင်းလတ်ရေးမူတခုမာ ဖျစ်ဆီးခံရဟှယ် ဆိုဘီး တွိရှိရဟှယ်၊ ဆိုဘီး ပါရှိဟှယ်။ လောကဓာတ်လေဟှာ ရရာတိုင်းပူအာကီးဟှူကြောန့် ပျစ်စီးဟှားလေ့မယ်။ မ္လေဂီးဟှနေစဘီး မ္လေဂီးထတ်မာရှိဟှူဇာလေ ဂူလောင်းဟှာ လောန်ကျွမ်းကူလေ့မယ်။ 11 အယ်ဇာလေ ဂူလောင်းဟှာ အယ်မျိုး ပျစ်စီးဟှားမယ် ဖြစ်ဟှူကြောန့် နန်းနို့လေဟှာ ဖယ်မျိုးဟှူသူလေ ဖြစ်ဟှို့သင့်ဟှယ်နူး။ နန်းနို့လေဟှာ သန့်ရှင်းဟှူကျင့်ဟှို ကျင့်ဘီး ဘုရားဝတ်န မွေ့လျော်ရှင်းအားဖြင့် 12 ဘုရားသခင်ရဲ့ နေ့ရစ်ဟှို စောန့်မျှော်ဘီး အယ်နေ့ရစ် ဗြန်းဗြန်းရော့-က်လာဟှို့ မျှော်လင့်သင့်ဟှယ်။ အယ်နေ့မာ ကောန်းဂန်ဟှာ မီးလောန်ကျွမ်းဘီး ပျစ်စီးဟှားလေ့မယ်။ လောကဓာတ်လေလည်း ရရာတိုင်း ပြင်းထန်ဟှူ ပူရှီအားဖြင့် ရယ်ပျော်ဟှားဂေ့လေ့မယ်။ 13 ✝၃.၁၃ ဗျာ ၂၁.၁အယ်ဘေမဲ့ နို့လေဟှာ ဘုရားသခင် ဂဒိထားတော်မူဟှူ ဖြောန့်မတ်ရှင်းတရားရဲ့ တည်ဟှူနေရာ ကောန်းဂန်သစ်န မ္လေဂီးသစ်ဟှို စောန့်မျှော်နေဂေ့ဟှယ်။