တမန်တော် 16

10 ပေါလုဟှ အယ်ရူပါရောင်ဟှို ဗြင်ဘီးန မာကေဒေါနိပြည်သားလေဟှို ဒန်းကောန်းဟောဟှို့တွပ် ဘုရားသခင်ဟှာ နို့လေဟှို ခေါ်တော်မူဟှယ် ဆိုဘီး ရှစ်ရှင်းဘဲ မာကေဒေါနိပြည်ဟှို သွားဟှို့တွပ် ဆောင်းဖြတ်ဂေ့ဟှယ်။

ဖိလိပ္ပိဗြို့မာ လုဒိရဲ့ ပ္လောန်းလဲရှင်းကြောန်း

11 ကျွန်တော့်လေဟှာ တရောဗြို့ဟှနေ သာမောသရက်ကျွန်းဟှို သန်းဖောန သွားဂေ့ဘီးန နော့-က်တနေ့မာ နာပေါလိဗြို့ဟှို ရော့-က်ဟှားဂေ့ဟှယ်။ 12 အယ်ဗြို့ဟှနေဘီး ဖိလိပ္ပိဗြို့ဟှို သွားဂေ့ဟှယ်။ ဖိလိပ္ပိဗြို့ဟှာ မာကေဒေါနိပြည်ရဲ့ ပထမနယ်ရဲ့ ဗြို့တဗြို့၊*၁၆.၁၂ မာကေဒေါနိပြည်ရဲ့ ပထမနယ်ရဲ့ ဗြို့တဗြို့၊ တချို့ မူရင်းလတ်ရေးမူလေမာ မာကေဒေါနိပြည်ရဲ့ ဗြို့ဟှို ဦးတယ်ဟှယ်၊ အယ်မျိုးမှုဘဲနေဟှာ မာကေဒေါနိပြည်မာရှိဟှူ ဗြို့ဟှို ဦးတယ်ဟှယ်၊ ဆိုဘီး ပါရှိဟှယ်။ ရောမလတ်အော့-က်ခံဟှူ ဗြို့လည်းဖြစ်ဟှယ်။ အယ်ဗြို့မာ ကျွန်တော့်လေဟှာ ကြာဂီးနေဂေ့ဟှယ်။ 13 ဒန်းနေ့မာ နို့လေဟှာ ဗြို့ပ္လန်ဟှို ထွပ်ဂေ့ဟှယ်။ အယ်ဘီးန ဆုတောန်းဟှို့တွပ် နေရာရှိနိုင်ဟှယ် ဆိုဘီး စိထန်န မြစ်ကမ်းနားဟှို သွားဘီး အယ်နေရာမာ စုနေဟှူ မီးမလေဟှို ဟောဂေ့ဟှယ်။ 14 အယ်လူလေထဲမာ သွာတိရဗြို့ဟှ ခရမ်းရောန် ဝတ်လေဟှို ရောန်းဝယ်မား လုဒိနာမယ်ရှိဟှူ မီးမတယော့-က်လည်း နားထောန်နေဟှယ်။ သူဟှာ ဘုရားသခင်ဟှို ကိုးကွယ်ဟှူသူ ဖြစ်ဟှယ်။ သခင်ဘုရားဟှာ ပေါလုဟောနေဟှူ တရားစကားဟှို အာရောင်စိုက်ဟှို့တွပ် အယ်မီးမရဲ့ စိနှလောင်းဟှို ဖွမ့်ပေးဟှယ်။ 15 သူ့နတူးဒူ အီသူအီသားလေဟှာ ဗတ္တိဇံခံဘီးန လုဒိဟှ "ကျွန်မဟှာ သခင်ဘုရားဟှို တကယ်ယောင်ကြည်သူ ဖြစ်ဟှယ် ဆိုဘီး ဆောင်းဖြတ်ဟှယ် ဆိုဟှာ ကျွန်မအီဟှို လာဘီးဟှာ နေဂေ့ပါ" ဆိုဘီး ကျွန်တော့်လေဟှို တောန်းဗန်လေဟှယ်။

ပေါလုန သိလလေဟှာ ဖိလိပ္ပိဗြို့မာ ထောန်ခ္လခံရကြောန်း

16 တနေ့မာ ကျွန်တော့်လေဟှာ ဆုတောန်းဟှူ နေရာဟှို သွားဂေ့ဟှူ ခီမာ ဗေဒန်ဟောနိုင်ဟှူ၊ နတ်ဝမ်ပူးနေဟှူ၊ စေခံမီးမဂန်း တယော့-က်ဟှို တွိဂေ့ဟှယ်။ သူဟှာ အယ်မျိုး ဗေဒန်ဟောရှင်းအားဖြင့် သူ့ဇရှင်ဟှို ကပ်လေဘောင်ဂီး ရစေဟှယ်။ 17 အယ်စေခံဟှာ ပေါလုန ကျွန်တော့်လေ နော့-က်ဟှိုလိုက်ဘီးဟှာ "အယ်လူလေဟှာ ဗြစ်ဆောင်းဟှူ ဘုရားသခင်ရဲ့ စေခံလေဖြစ်ဟှယ်! သူးနို့ဟှာ နန်းနို့ဟှို ဖယ်မျိုး ကယ်တန်ခံရနိုင်ဟှယ် ဆိုဇာဟှို ဟောဟှူလူလေဖြစ်ဟှယ်" ဆိုဘီး အော်နေဟှယ်။