42 အယ်လူလေဟှာ တမန်တော်လေရဲ့ သွန်သန်ဇာဟှို ခံယူဂေ့ဘီး၊ မုဟှိုဖဲ့ဂေ့ဘီး၊ မိတ်သဟာယ ဖွဲ့ဂေ့ဘီးဟှာ ဆုတောန်းဇာလေနဘဲ့ ခီဟှို ကူစေဂေ့ဟှယ်။
ယောင်ကြည်သူလေရဲ့ သတ်ရှင်ရှင်းကြောန်း
43 တမန်တော်လေဟှာ အံ့ဩဘွယ်ရာလေန နိမိတ်လတ်ခဏာလေဟှို ပြဂေ့ဟှူကြောန့် လူတိုင်းဟှာ ကြော့-က်လန့်နေဂေ့ဟှယ်။ 44 ၂.၄၄ တ ၄.၃၂–၃၅ယောင်ကြည်သူလေဟှာ တစုဒဲနေဂေ့ဘီးဟှာ သူးနို့ရဲ့ အောက်စာလေဟှို ယော့-က်နယော့-က် ဝီမျှဂေ့ဟှယ်။ 45 သူးနို့ရဲ့ အောက်စာလေန ပိုင်ဆိုင်ဇာလေဟှို ရောန်းဂေ့ဘီးဟှာ လိုအပ်ဟှူ လူလေဟှို ပေးဂေ့ဟှယ်။ 46 သူးနို့ဟှာ နေ့တိုင်း ဗိမာန်တော်မာ စုနေဂေ့ဟှယ်။ သူးနို့ရဲ့ အီလေမာလည်း မုဟှိုဖဲ့ဂေ့ဘီး စေဒနာစိန ဝန်းသာအားရ စားဇာလေဟှို ဝီမျှဘီး စားဂေ့ဟှယ်။ 47 သူးနို့ဟှာ ဘုရားသခင်ဟှို ချီးမွမ်းဘီး လူလေရှေ့မာလည်း မျစ်နှာသာ ရဂေ့ဟှယ်။ သခင်ဘုရားဟှလည်း ကယ်တန်ရှင်း ခံရဟှူလူလေဟှို နေ့တိုင်း တိုးပွားစေဟှယ်။