11 ဇာတိအားဖြင့် လူမျိုးခြားဖြစ်ဂေ့ဟှူ နန်းနို့ဟှို ရေဖျားလှီးဇာဟှို ခံဘဲဟှူသူလေ ဆိုဘီး ယုဒလူမျိုးလေဟှ ခေါ်ဂေ့ဟှယ်။ ယုဒလူမျိုးလေဟှ သူးနို့ကိုယ်သူးနို့ ရေးဖျားလှီးဇာဟှို ခံဟှူသူလေ ဆိုဘီး ခေါ်ဂေ့ဟှယ်။ ရေဖျားလှီးဇာ ဆိုဘီး ပြောဟှူဇာဟှာ ကိုယ်ကာယနဆိုင်ဟှူ မှုဖြစ်ဟှယ်။ ရင်းရင်ဒူးဟှ နန်းနို့ ခြေနေလေဟှို ဒိရဂေ့ပါ။ 12 အယ်ခီဒူးဟှ နန်းနို့ဟှာ ခရစ်တော်န ဝီးနေဘီးဟှာ ဘုရားသခင် ဝီးကော့-က်ဟှားဟှူ ဣသရေလလူမျိုး စာရင်းထဲမာလည်း ဝမ်ဟှ။ သူ့ရဲ့လူမျိုးဟှို ဘုရားသခင်ထားဟှားဟှူ ဂဒိတော်နဆိုင်ဟှူ ပဋိညာဉ်လေနလည်း ဆိုင်ဟှ၊ အယ်လောကမာ မျှော်လင့်ဇာမှေ့ဘဲ၊ ဘုရားတရားမှေ့ဘဲ ဖြစ်နေဂေ့ဟှယ်။ 13 အယ်ခီမာ တခီဒူးဟှ ဝီးနေဟှူ နန်းနို့ဟှာ ခုခီမာ ခရစ်တော်ရဲ့ သွီးတော်အားဖြင့်*၂.၁၃ ခရစ်တော်ရဲ့ သွီးတော်အားဖြင့်၊ အယ်မျိုးမှုဘဲနေဟှာ ခရစ်တော်ရဲ့ သေခံဇာအားဖြင့်။ ခရစ်တော်ယေရှုနှိုက် တလောင်းတဝဒဲဖြစ်ဘီး နီးဟှို ရော့-က်ဟှားဂေ့ဟှယ်။