ဧဖက် 4

25 အယ်ကြောန့် မုသားစကားဟှို ပြောဂေ့န။ နို့လေ ဂူလောင်းဟှာ ခရစ်တော်ရဲ့ ကိုယ်ခန္ဓာစိပိုင်းလေ ဖြစ်ဂေ့ဟှူကြောန့် ယောင်ကြည်သူ ရှင်းရှင်းဟှာ မှန်ဟှူ စကားဟှိုဘဲ့ ပြောဂေ့ပါ။ 26 ဒေါသထွပ်ဘေမဲ့ ပြစ်လောက်ဂေ့န။ ဒေါသပြေဘဲန နေဝမ်စေန။ 27 မာရ်နတ်ဟှိုလည်း ခွမ့်ပေးဂေ့န။ 28 ခိုးတတ်ဟှူလူဟှာ နော့-က်ထပ်ခိုးဘဲန လိုရှင်နေဟှူ လူလေဟှို ပေးဇာရှိဟှို့တွပ် သူ့ရဲ့လတ်န ကောန်းဟှူ လောက်လေဟှို အားထုဘီး လောက်စေ။ 29 နန်းနို့နှောက်ထဲဟှ ကောန်းဘဲဟှူ စကားလေ တခွန်းလည်း ထွပ်စေန။ ကြားရဟှူ လူလေဟှာ ကျိုးရှိဟှူစကား၊ တည်ဆော့-က်ဟှူစကားဟှိုဘဲ့ ပြောဂေ့ပါ။ အယ်မျိုးမှ နန်းနို့စကားဟှို ကြားရဟှူ လူလေဟှာ ကျိုးကျေးဇူးဟှို ခံရလေ့မယ်။