Gálatas 2

အန္တိအုတ်ဗြို့မာ ပေါလုဟှာ ပေတရုဟှို ပြစ်တန်ကြောန်း

11 အန္တိအုတ်ဗြို့ဟှို ပေတရုရော့-က်လာခီမာ သူ့ရဲ့အပြုမှုလေဟှာ မှားနေဇာထန်ရှားကြောန့် ငါဟှာ သူ့ဟှို လူလေရှေ့မာ ပြစ်တန်ဟှယ်။ 12 ယာကုပ်စေလွှတ်လိုက်ဟှူ လူအချို့ ရော့-က်လာခန်မာ ပေတရုဟှာ လူမျိုးခြားလေနတူးဒူ စားနေဂေ့ဟှယ်။ အယ်ဘေမဲ့ ယာကုပ်စေလွှတ်လိုက်ဟှူ လူလေရော့-က်လာဘီးန သူဟှာ လူမျိုးခြားလေနတူးဒူ စားဘဲန ခပ်ခွာခွာဟှား နေဟှယ်။ ဖြားဖြစ်ကြောန့်နူးဆိုဟှာ သူဟှာ ရေဖျားလှီးဟှားဟှူ လူလေဟှို ကြော့-က်ဟှူကြောန့် ဖြစ်ဟှယ်။ 13 တခြားယုဒလူမျိုး ယောင်ကြည်သူလေလည်း ပေတရုမျိုးဘဲ့ ဟန်ဆောန်ဟှူ ပြုမူလေဟှို စဘီး လောက်ဆောန်လာဟှူ ခီမာ သူးနို့ရဲ့ သူရဲဘောကြောန်ဟှူ ပြုမူလေအားဖြင့် ဗာနဗလည်း သူးနို့ဖတ်ဟှို ပါဟှားဟှယ်။ 14 သူးနို့ဟှာ မှန်ဟှူ ဧဝံဂေလိတရားန တည့်တည့်မတ်မတ် သွားဂေ့ဟှ ဆိုဇာဟှို ငါဗြင်ဟှားဟှူ ခီမာ ငါဟှာ ပေတရုဟှို လူလေရဲ့ ရှေ့မာ ပြောလိုက်ဇာဟှ "နန်ဟှာ ယုဒလူမျိုးတယော့-က်ဖြစ်ဘီး ယုဒလူလေမျိုး သတ်ရှင်ဘဲန လူမျိုးခြားတယော့-က်လို သတ်ရှင်ဟှယ်။ အယ်ဘီးဟှာ လူမျိုးခြားလေဟှို ယုဒလူမျိုးလို နေထိုင်ဟှို့ ဖြားဖြစ်ဟှိ ကြိုစားနေနူး"