ရှင်းရှင်း ဝန်ထောက်လေဟှို ကူညီပေးဂေ့ကြောန်း
1 ယောင်ကြည်သူလေ၊ ယော့-က်ယော့-က်ဟှ ကောန်းဘဲဟှူ မှုတခုခု ကျူးလွန်နေဇာဟှို နန်းနို့တွိလိုက်ဟှယ် ဆိုဟှာ ဝိညာဉ်တော်အားဖြင့် သတ်ရှင်ဟှူ နန်းနို့ဟှာ နူးညံ့မှုန အယ်လူလေဟှို ပြုပြင်ပေးရမယ်။ အယ်ဘီးဟှာ နန်းနို့ကိုယ်တိုင်လည်း သွီးဆောန်ဇာနော့-က်ဟှို ပါဘဲ့ဟှို့တွပ် ဒိထားဂေ့ပါ။ 2 ရှင်းရှင်းရဲ့ ဝန်ထောက်လေဟှို ကူညီပေးဂေ့ပါ။ အယ်မျိုးလောက်ရှင်းဟှာ နန်းနို့ဟှာ ခရစ်တော်ရဲ့ ပညတ်တော်ဟှို ပ္လဲ့ဇောင်စေလေ့မယ်။၆.၂ နန်းနို့ဟှာ ခရစ်တော်ရဲ့ ပညတ်တော်ဟှို ပ္လဲ့ဇောင်စေလေ့မယ်၊ တချို့ မူရင်းလတ်ရေးမူလေမာ ပ္လဲ့ဇောင်ဟှယ်၊ ဆိုဘီး ပါရှိဟှယ်။ 3 ယော့-က်ယော့-က်ဟှ ဖြားလည်းမှုဘဲန ကိုယ့်ကိုယ်ကိုယ် ရေးပါရာရော့-က်ဟှယ် ဆိုဘီး ထန်မှတ်မယ် ဆိုဟှာ သူဟှာ ကိုယ့်ကိုယ်ကိုယ် လှည့်ဇားဟှူ လူဖြစ်ဟှယ်။ 4 နန်းနို့လေယော့-က်တိုင်းဟှာ ကိုယ့်ရဲ့ ပြုမူလေဟှို စစ်ဆေးရမယ်။ အယ်မျိုးဆိုဟှာ သူများဟှိုမှုဘဲ ကိုယ့်ရဲ့ ပြုမူဟှာ ကောန်းဟှယ် ဆိုဘီး နန်းနို့ဟှာ ဂေါင်ယူဝါကြွားနိုင်လေ့မယ်။ 5 ဖြားဖြစ်ကြောန့်နူးဆိုဟှာ နန်းနို့ယော့-က်တိုင်းဟှာ နန်းနို့ရဲ့ ဝန်ဟှို လောက်ဆောန်ရဟှို့ ဖြစ်ဟှယ်။