21 မာသဟှာ ယေရှုဟှို "သခင်၊ ကိုယ်တော်ဟှာ အယ်နေရာမာရှိနေမယ် ဆိုဟှာ ကျွန်မမောင် သေဟှို့ မှုဟှ! 22 အယ်ဘေမဲ့ ခု ကိုယ်တော်ဟှာ ဘုရားသခင်နားမာ တောန်းတော်မူသမျှဟှို ဘုရားသခင် ပေးတော်မူမယ် ဆိုဇာဟှို ကျွန်မသိဟှယ်" ဆိုဘီး လျှော့-က်လေဟှယ်။
23 ယေရှုဟှ "နန့်မောင်ဟှာ သတ်ပ္လန်ရှင်လေ့မယ်" ဆိုဘီး သူ့ဟှို မိန့်တော်မူလိုက်ဟှယ်။
24 မာသဟှ "သူဟှာ နော့-က်ဆောင်းဟှူ နေ့မာ ရှင်ပ္လန်ထမြော့-က်လေ့မယ် ဆိုဇာဟှို ကျွန်မသိပါဟှယ်" ဆိုဘီး ပ္လန်လျှော့-က်ဟှယ်။
25 ယေရှုဟှာ သူ့ဟှို "ငါဟှာ ရှင်ပ္လန်ထမြော့-က်ရှင်း ဖြစ်ဟှယ်။ သတ်လည်း ဖြစ်ဟှယ်။ ငါ့ဟှို ယောင်ကြည်ဟှူ လူလေဟှာ သေဟှားဘေမဲ့လည်း ပ္လန်ရှင်လေ့မယ်။ 26 ငါ့ဟှို ယောင်ကြည်ဘီး သတ်ရှင်နေဟှူ လူလေဟှာ ကာလစဉ်ဆစ် သေရလေ့ဟှို့ မှုဟှ။ အယ်မူဇာဟှို နန်ယောင်ကြည်ဘဲ့လော" ဆိုဘီး မေးတော်မူလေဟှယ်။
27 သူဟှ "ယောင်ကြည်ပါဟှယ်။ သခင်! ကိုယ်တော်ဟှာ လောကဟှို ကြွလာတော်မူဟှူ ဘုရားသခင်ရဲ့ သားတော်၊ မေရှိယ ဖြစ်ဟှယ် ဆိုဇာဟှို ကျွန်မ ယောင်ကြည်ပါဟှယ်" ဆိုဘီး ပ္လန်လျှော့-က်လေဟှယ်။
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)