20 "ကျွန်တော်ဟှာ သူးနို့တွပ်ဘဲ့မှုဘဲန သူးနို့ဟောပြောဟှူ တရားစကားအားဖြင့် ကျွန်တော့်ဟှို ယောင်ကြည်ဟှူ လူလေတွပ်လည်း တောန်းလျှော့-က်ဟှယ်။ 21 သူးနို့လေ ဂူလောင်းဟှာ တလောင်းတဝဒဲ ဖြစ်စေဟှို့ ကျွန်တော်ဆုတောန်းဟှယ်။ ဖ! ကိုယ်တော်ဟှာ ကျွန်တော့်ထဲမာရှိဘီး ကျွန်တော်ဟှာလည်း ကိုယ်တော်ထဲမာ ရှိနေမျိုးဘဲ့ သူးနို့ဟှိုလည်း ကျွန်တော့်ဟှားလေထဲမာ ရှိတော်မူစေပါ။ ကျွန်တော့်ဟှို ကိုယ်တော်စေလွှတ်တော်မူဟှယ် ဆိုဇာဟှို လောကသားလေ ယောင်ကြည်လာစေဟှို့တွပ် သူးနို့ဟှို တလောင်းတဝဒဲ ဖြစ်စေတော်မူပါ။ 22 ကိုယ်တော်န ကျွန်တော်ဟှာ တလောင်းတဝဒဲ ဖြစ်မျိုးဘဲ့ သူးနို့ဟှိုလည်း တလောင်းတဝဒဲ ဖြစ်စေဟှို့တွပ် ကျွန်တော်ဟှို ကိုယ်တော်ပေးတော်မူဟှူ ဖောင်းသရေတော်ဟှို သူးနို့ဟှိုလည်း ပေးတော်မူဘီ။ 23 ကျွန်တော်ဟှာ သူးနို့ထဲမာရှိဘီး ကိုယ်တော်ဟှာ ကျွန်တော်ထဲမာ ရှိပါဟှယ်။ သူးနို့ဟှို တလောင်းတဝဒဲ ပ္လဲ့ဇောင်စေဟှို့တွပ် ကိုယ်တော်ဟှာ ကျွန်တော့်ဟှို စေလွှတ်တော်မူကြောန်းန ကျွန်တော့်ဟှို ရှစ်မျိုးဘဲ့ သူးနို့ဟှိုလည်း ရှစ်တော်မူကြောန်းဟှို လောကသားလေဟှာ သိရှိစေဟှို့ဖြစ်ဟှယ်။