ယောဟန် 20

ယေရှုဟှ တဗဲ့တော်လေဟှို ကိုယ်ထန်ရှားပြဟှူကြောန်း

19 နန်းနွေနေ့ ညဉ့်ခန်းဖတ်မာ တဗဲ့တော်လေဟှာ ယုဒအာဏာပိုင်လေဟှို ကြော့-က်ဟှူကြောန့် ခွဗော့-က်လေပိဟှားဘီး စုဝီးနေဂေ့ဟှယ်။ အယ်ခီမာ ယေရှုဟှာ ကြွလာတော်မူဘီး သူးနို့လယ်မာ ရပ်တော်မူဘီး "နန်းနို့နတူးဒူ ငြီသတ်ရှင်း ရှိပါစေ" ဆိုဘီး မိန့်တော်မူလေဟှယ်။ 20 အယ်မျိုး မိန့်တော်မူဘီးန ကိုယ်တော်ရဲ့ လတ်တော်န နံဘေးတော်ဟှို တဗဲ့တော်လေဟှို ပြတော်မူလေဟှယ်။ တဗဲ့တော်လေဟှာ သခင်ဘုရားဟှို တွိဗြင်ရဟှူ ခီမာ ဝန်းသာဂေ့လေဟှယ်။ 21 ယေရှုဟှာ "နန်းနို့မာ ငြီသတ်မှုရှိစေ။ ဖဟှ ငါ့ဟှို စေလွှတ်မျိုးဘဲ့ ငါလည်း နန်းနို့ဟှို စေလွှတ်မယ်" ဆိုဘီး သူးနို့ဟှို ထပ်ဘီး မိန့်တော်မူလေဟှယ်။ 22 အယ်ဘီးန ကိုယ်တော်ဟှာ တဗဲ့တော်လေထတ်ဟှို မှုတော်မူဘီး "သန့်ရှင်းဟှူဝိညာဉ်တော်ဟှို လတ်ခံဂေ့။ 23 ✝၂၀.၂၃ မ ၁၆.၁၉; ၁၈.၁၈နန်းနို့ဟှာ လူလေရဲ့ ပြစ်လေဟှို ခွမ့်လွှတ်မယ် ဆိုဟှာ သူးနို့ဟှာ ပြစ်လေလွှတ်ဇာခံရမယ်။ နန်းနို့ဟှာ သူးနို့ရဲ့ ပြစ်လေဟှို ခွမ့်လွှတ်ဘဲဟှ ဆိုဟှာ သူးနို့ဟှာ ပြစ်လေ လွှတ်ဇာခံရမယ်မူဟှ" ဆိုဘီး မိန့်တော်မူလေဟှယ်။