ယောဟန် 6

53 ယေရှုဟှ "နန်းနို့ဟှို ငါ မှန်တိုင်းပြောမယ်၊ နန်းနို့ဟှာ လူ့သားရဲ့ သားဟှို စားဟှ။ သူ့ရဲ့သွီးဟှို သော့-က်ဟှ ဆိုဟှာ နန်းနို့ရဲ့ထဲမာ သတ်မှေ့ဟှို့ မှုဟှ။ 54 ငါ့သားဟှို စားဘီး ငါ့သွီးဟှို သော့-က်ဟှူသူလေဟှာ ထာဝရသတ်ဟှို ရဟှယ်။ ငါဟှာ သူးနို့ဟှို နော့-က်ဆောင်းနေ့မာ ရှင်ပ္လန်ထမြော့-က်စေမယ်။ 55 ဖြားဖြစ်ကြောန့်နူးဆိုဟှာ ငါ့သားဟှာ စစ်မှန်ဟှူ စားဇာဖြစ်ဘီး ငါ့ရဲ့ သွီးဟှာ စစ်မှန်ဟှူ သော့-က်ဇာဖြစ်ဟှယ်။ 56 ငါ့ရဲ့ သားဟှို စားဘီး ငါ့သွီးဟှို သော့-က်ဟှူ လူလေဟှာ ငါ့ရဲ့ ထဲမာ သတ်ရှင်နေဟှယ်။ ငါဟှာလည်း သူးနို့ရဲ့ ထဲမာ သတ်ရှင်နေဟှယ်။ 57 သတ်ရှင်ဟှူ ဖဟှ ငါ့ဟှို စေလွှတ်တော်မူဘီး ငါဟှာလည်း ဖအားဖြင့် သတ်ရှင်ဟှယ်။ အယ်မျိုးဘဲ့ ငါ့ဟှို စားဟှူ လူတိုင်းဟှာလည်း ငါ့အားဖြင့် သတ်ရှင်ရလေ့မယ်။ 58 အယ်မျိုးဆိုဟှာ အယ်မုဟှ ကောန်းဂန်ဟှနေ ဆင်းလာဟှူ မုဖြစ်ဟှယ်။ နန်းနို့ ဘိုးဘေးလေဟှာ မန္နမုဟှို စားဘီး သေဟှားဂေ့ဟှယ်။ အယ်ဘေမဲ့ အယ်မုဟှို စားဟှူ လူတိုင်းဟှာ ထာဝရ သတ်ရှင်လေ့မယ်" ဆိုဘီး သူးနို့ဟှို မိန့်တော်မူလေဟှယ်။