Marcos 4

ယေရှုဟှာ လေမှောန်တိုင်းဟှို ငြီးစေဟှူကြောန်း

35 အယ်နေ့ နေဒန်ဇာမာ ယေရှုဟှ "အိုင်ရဲ့ ဟှို့ဖတ်ကမ်းဟှို ကူးဂေ့ဇို့" ဆိုဘီး တဗဲ့တော်လေဟှို မိန့်တော်မူလေဟှယ်။ 36 အယ်ကြောန့် သူးနို့ဟှာ လူအောက်ဂီးဟှို ထားရစ်ဘီးဟှာ တဗဲ့တော်လေဟှာ လှေထတ်မာထိုင်နေဟှူ ယေရှုဟှို သူးနို့နတူးဒူ ခေါ်ဟှားဂေ့ဟှယ်။ အယ်နေရာမာ တခြားလှေလေလည်း ကိုယ်တော်နတူးဒူ လိုက်ဟှားဂေ့ဟှယ်။ 37 ရောက်တရစ် ပြင်းထန်ဟှူ လေမှောန်တိုင်းက္လလာဘီး လှိုင်းလေဟှာ လှေဟှို စဘီးဟှာ ရိုက်လေဟှယ်။ အယ်ကြောန့် လှေဟှာ ရေနပ္လဲ့ခါနီးနီး ဖြစ်ဟှားဟှယ်။ 38 ယေရှုဟှ လှေရဲ့ပဲ့မာ ခေါန်းအောင်း အောင်းဘီး အိနေဟှယ်။ တဗဲ့တော်လေဟှ ကိုယ်တော့်ဟှို နှိုးဂေ့ဘီး "ဆရာ၊ ကျွန်တော့်ဟှားလေ သေဟှို့ဖြစ်နေဂေ့ဇာဟှို ကိုယ်တော် ဂရုစိုက်ဘဲနနေဟှို့လော" ဆိုဘီး လျှော့-က်ဂေ့လေဟှယ်။

39 ယေရှုဟှ ထလာဘီးန လေနလှိုင်းဟှို မိန့်မှာဟှူ ခီမာ လေနလှိုင်းလည်း ငြီဟှားဘီး သာယာဟှားလေဟှယ်။ 40 အယ်ဘီးန ယေရှုဟှ တဗဲ့တော်လေဟှို "ဖြားဖြစ်ကြောန့် နန်းနို့လေ ကြော့-က်နေဂေ့နူး။ ခုထတ်ထိ နန်းနို့လေဟှ ယောင်ကြည်ရှင်း မှေ့သေးဟှလော" ဆိုဘီး မေးမြန်းလေဟှယ်။

41 အယ်ဘေမဲ့ သူးနို့လေဟှ ရရာတိုင်း ကြော့-က်နေဂေ့ဘီး "အယ်လူဟှ ဖယ်သူနူး။ လေနလှိုင်းလေတောန်မှ သူ့ဟှို နားထောန်ဂေ့ဟှယ်!" ဆိုဘီး သူးနို့ရှင်းရှင်း စဘီးဟှာ ပြောနေဂေ့ဟှယ်။