ယောင်ကြည်ရှင်းအားဖြင့် ဘုရားသခင်နှိုက်ငြီသတ်ရှင်း
1 အယ်ကြောန့် ယောင်ကြည်ရှင်းအားဖြင့် ဖြောန့်မတ်ဟှယ် ဆိုဘီး သိမှတ်ပြုခံရဟှူ နို့လေဟှာ သခင်ယေရှုခရစ်တော်အားဖြင့် ဘုရားသခင်ရဲ့ ငြီသတ်ရှင်းဟှို ရရှိဂေ့ဟှယ်။၅.၁ ရရှိဂေ့ဟှယ်၊ တချို့ မူရင်းလတ်ရေးမူလေမာ နို့လေမာရှိပါစေ၊ ဆိုဘီး ပါရှိဟှယ်။ 2 အယ်သခင်ဟှို နို့လေယောင်ကြည်ဂေ့ကြောန့် အယ်မျိုး ကျေးဇူးတော်ဟှို ခံစားရဟှူဇာ ဖြစ်ဟှယ်။ အယ်ကြောန့် ဘုရားသခင်ရဲ့ ဖောင်းသရေတော်ဟှို မျှော်လင့်ဘီးဟှာ နို့လေ ဝါကြွားဘီး ဝမ်းမြော့-က်ဂေ့ဟှယ်!၅.၂ နို့လေ ဝါကြွားဘီး ဝမ်းမြော့-က်ဂေ့ဟှယ်၊ အယ်မျိုးမှုဘဲနေဟှာ နို့လေ ဝါကြွားဂေ့ဇို့။ 3 အယ်လော့-က်နကဟှ ဆင်းရဲဒေါက်ခလေနှိုက်လည်း ဝါကြွားဝန်းသာမှုရှိဂေ့ဟှယ်။ ဖြားဖြစ်ကြောန့်နူးဆိုဟှာ ဆင်းရဲဒေါက်ခလေဟှာ သီးခံရှင်းဟှို ဖြစ်စေကြောန့် ဖြစ်ဟှယ်။ 4 သီးခံမှုဟှာ ခံနိုင်ရည် ခွန်အားဟှိုရဘီး ဘုရားသခင်ရဲ့ မျစ်နှာသာဟှို ပိုဘီး ခံစားရလေဟှယ်။ ဘုရားသခင်ရဲ့ မျစ်နှာသာဟှလည်းဘဲ့ မျှော်လင့်ရှင်းဟှို တိုးပွားစေဟှယ်။