12 အယ်ကြောန့် ညီကို မောန်နှမလေ နို့လေဟှာ ဇာတိလိုတိုင်း သတ်ရှင်ရအောန် ဇာတိရဲ့ ကျွန်ဖြစ်ဂေ့ဟှူဇာ မှုဟှ။ 13 ဖြားဖြစ်ကြောန့်နူးဆိုဟှာ နန်းနို့လေဟှာ လူ့ဇာတိလိုဟှိုလိုက်ဘီး သတ်ရှင်မယ် ဆိုဟှာ သေဂေ့ရလေ့မယ်။ အယ်ဘေမဲ့ ဝိညာဉ်တော်အားဖြင့် နန်းနို့ရဲ့ ကိုယ်ခန္ဓာကျင့်လေဟှို သေစေမယ် ဆိုဟှာ သတ်ရှင်ရလေ့မယ်။ 14 ဘုရားသခင်ရဲ့ ဝိညာဉ်တော် ဆောင်းမပဲ့ပြင်တော်မူရှင်းဟှို ခံရဟှူသူလေဟှာ ဘုရားသခင်ရဲ့ သားမီးလေဖြစ်ဟှယ်။ 15 ၈.၁၅–၁၇ ဂလာ ၄.၅–၇၈.၁၅ မာ ၁၄.၃၆; ဂလာ ၄.၆ဖြားဖြစ်ကြောန့်နူးဆိုဟှာ ဘုရားသခင် ပေးတော်မူဟှူ ဝိညာဉ်တော်ဟှာ နန်းနို့ဟှို ကြော့-က်တတ်ဟှူ ကျွန်ရဲ့စိသဘောဟှို ပေးဟှူဇာမှုဘဲန နို့လေဟှို ဘုရားသခင်ရဲ့ သားမီးလေဖြစ်စေဘီးဟှာ ဝိညာဉ်တော်အားဖြင့် "အဗ္ဗ! ဖ!" ဆိုဘီး ခေါ်ရဟှူခွမ့်ဟှို ပေးတော်မူဟှူဇာ ဖြစ်ဟှယ်။ 16 နို့လေဟှာ ဘုရားသခင်ရဲ့ သားမီးလေ ဖြစ်ဟှူကြောန်းဟှို ဝိညာဉ်တော်ကိုယ်တိုင် နို့လေရဲ့ဝိညာဉ်နတူးဒူ သတ်သေခံလေဟှယ်။ 17 နို့လေဟှာ ဘုရားသခင်ရဲ့ သားမီးလေဖြစ်ဟှူကြောန့် မွီစားမွီခံလေဖြစ်ဟှယ်။ ခရစ်တော်နတူးဒူ ချီးမြှော့-က်ဟှူဇာဟှို ခံရဟှို့တွပ် ကိုယ်တော်နတူးဒူ ဆင်းရဲဒေါက်ခဟှို ခံရဟှယ် ဆိုဟှာ ကိုယ်တော်နတူးဒူ ဆစ်နွယ်ဟှူ မွီခံလည်း ဖြစ်လေဟှယ်။