17 ယောင်ကြည်ရှင်းဟှလည်း အယ်မျိုးဘဲ့ဖြစ်ဟှယ်။ ကျင့်မှေ့ဘဲ့ဟှူ ယောင်ကြည်ရှင်းဟှာ ခုဒဲဘဲဖြစ်ဟှူကြောန့် သေဖြစ်ဟှယ်။
18 အယ်ကြောန့် ယော့-က်ယော့-က်ဟှ "ငါ့မာ ယောင်ကြည်ရှင်းရှိဟှယ်" ဆိုဘီး ပြောမယ် ဆိုဟှာ "ကျင့်မှေ့ဘဲ့န နန့်ရဲ့ယောင်ကြည်ရှင်းဟှို ငါ့ဟှို ပြပါ။ ငါဟှကျင့်န ငါရဲ့ ယောင်ကြည်ရှင်းဟှို ပြမယ်" ဆိုဘီး ပြောဇာရှိဟှယ်။ 19 ဘုရားသခင်တပါးဘဲ့ ရှိဟှယ် ဆိုဘီး ယောင်ကြည်ဇာဟှာ ကောန်းဟှယ်။ နတ်ဆိုးလေဟှလည်း အယ်မျိုးဘဲ့ ယောင်ကြည်ဘီးဟှာ ကြော့-က်ဘီး တူနေဂေ့ဟှယ်။ 20 အို၊ လူမိုက်၊ ကျင့်မှေ့ဘဲ့ဟှူ ယောင်ကြည်ရှင်းဟှာ ချည်းနှီး၂.၂၀ ချည်းနှီး၊ တချို့လတ်ရေးမှုလေမာ သေရှင်း၊ ဆိုဘီး ပါရှိဟှယ်။ဖြစ်ဟှယ် ဆိုဇာဟှို သိရှင်လော။ 21 နို့လေရဲ့ဖိုး အာဗြဟံဟှာ ဘုရားသခင်န မှန်းမှန်ကန်းကန် ပေါန်းသင်းဆစ်ဆံဇာဟှို ဖယ်မျိုးရဟှယ်နူး။ သူဟှာ သူ့သားဣဇာက်ဟှို ယဇ်ပလ္လင်ထတ်မာ တန်ဘီးဟှာ ပူဇော်ဟှူ ခီမာ ကျင့်ကြောန့် ဖြောန့်မတ်ရှင်းဟှို ရဟှယ်။ 22 သူ့ရဲ့ယောင်ကြည်ရှင်းဟှာ ကျင့်နတွဲနေဇာဟှို နန်းနို့လေဟှာ ဗြင်ဂေ့ဟှလော။ ကျင့်ကြောန့်သူ့ရဲ့ ယောင်ကြည်ရှင်းဟှာ ပ္လဲ့ဝစောင်လင်လာဟှယ်။ 23 အယ်ကြောန့် "အာဗြဟံဟှာ ဘုရားသခင်ဟှို ယောင်ကြည်ဟှယ်။ သူ့ရဲ့ ယောင်ကြည်ရှင်းကြောန့် ဘုရားသခင်ဟှာ သူဟှို ဖြောန့်မတ်ဟှူသူနေန လတ်ခံလိုက်ဟှယ်" ဆိုဇာ ကျမ်းစကားဟှာ ပ္လဲ့ဇောင်လာဟှယ်။ အယ်ကြောန့် အာဗြဟံဟှာ ဘုရားသခင်ရဲ့ မိဆွေ ဆိုဘီး ခေါ်ခံရဟှယ်။ 24 အယ်ကြောန့် လူဟှာ ယောင်ကြည်ရှင်း အားဖြင့်ဘဲ့ ဖြောန့်မတ်ရှင်းဟှို ရော့-က်ဇာမှုဟှ။ ကျင့်အားဖြင့်ရော့-က်ဟှယ် ဆိုဇာဟှို နန်းနို့ သိရဂေ့ဟှယ်။
25 ကောန်းဘဲ့ဟှူမီးမ ရာခပ်ရဲ့ကြောန်းဟှလည်း အယ်မျိုးဘဲ့ ဖြစ်ဟှယ်။ သူဟှာ ဣသရေလ တလျှိုလေဟှို လတ်ခံဘီးန တခြားလမ်းဟှနေ ထွပ်ဟှားဟှို့တွပ် ကူညီပေးဟှယ်။ အယ်မှုကြောန့်သူဟှာ ကျင့်ကြောန့် ဖြောန့်မတ်ရှင်းဟှို ရော့-က်ဟှားဇာ မှုဟှလော။ 26 အယ်ကြောန့် ဝိညာဉ်မှေ့ဘဲဟှူ ကိုယ်ခန္ဓာဟှာ သေဖြစ်ဟှူမျိုးဘဲ့ ကျင်မှေ့ဘဲ့ဟှူ ယောင်ကြည်ရှင်းဟှလည်း သေဖြစ်ဟှယ်။