Marcos 4

3 "ङ्याना, र्‌यु पन्नान्न सिमिदी र्‌यु पच्‌चेन भिह्तु गेप्पो। 4 आलै नुई र्‌यु पन्तौ कान लम्‌राः छार्बो, रे अन र्‌यु युजुई स्वास्वा झबो। 5 कान र्‌यु सा ताङ्‌खोराः छार्बो। स्याह्‌ सा ङाईदी ङिह्पान कारन मन यिप्पुदी थुङ्बो। 6 ङिह्‌मा लैः छाम रामी गुगुर्माव द्याबो, रे पादा मछ्यापान कारन मन खार्बो। 7 कान र्‌यु चन चेरन घूँ छार्बो। चेर छारैछारै होई, रे बोती च्योर्बो, आलै मनग फल‌ मछ्याबो। 8 जेङ्नै कान र्‌यु सा लःग छार्बो, रे थुङैथुङै रे छारैछारै होई गुना सुमच्यु, गुना सुमथल रे गुना ङाथल फल‌ बिम्बो।" 9 आलै येसुई र्‌वाबो, "सुन ङ्यान्नान्न नाम्ज्योवा ङ्याह्, नुई ङ्यानाःयो।"