ဧဖက် 2

ခရစ်တော်၌ တစ်လုံးတစ်ဝတည်းဖြစ်ခြင်း

11 ယုဒအမျိုးသားများက ဇာတိအားဖြင့် တစ်ပါးအမျိုးသားများဖြစ်ကြသော သင်ရို့အား "အရီဖျားလှီးခြင်းကို မခံသောသူများ" ဟု ခေါ်ကြပြီး၊ သူရို့သည် သူရို့ကိုသူရို့ "အရီဖျားလှီးခြင်းကို ခံယူကြသောသူရို့" ဟု ခေါ်ကြ၏။ အရီဖျားလှီးခြင်း ဟုဆိုရာ၌ ကိုယ်ကာယနှင့် သက်ဆိုင်သောအမှုဖြစ်၏။ အတိတ်က သင်ရို့၏အခြေအနေကို အောက်မိ့သတိရကြလော့။ 12 ထိုအချိန်က သင်ရို့သည် ခရစ်တော်နှင့် ကွာဝီးလျက် ဟိခ၏။ သင်ရို့သည် တခြားလူမျိုးတိဖြစ်၍ ဘုရားသခင်၏လူစုတော်တွင် မဝင်ရခ။ ဘုရားသခင်သည် မိမိ၏ လူစုတော်အတွက် ထားတော်မူသော ကတိတော်နှင့်ဆိုင်သော ပဋိညာဉ်တရားများနှင့် မသက်ဆိုင်။ သင်ရို့သည် ဤလောက၌ မျှော်လင့်စရာမဟိ၊ ဘုရားမဟိဘဲ နီထိုင်ခကြ၏။ 13 သို့ရာတွင် အဂုအခါ သင်ရို့သည် ခရစ်တော်ယေသျှု၌ ဟိကြသည်ဖြစ်၍ တစ်ချိန်က ဝီးကွာလျက် ဟိခကြသော သင်ရို့သည် ခရစ်တော်၏ အသွီးတော်အားဖြင့်*၂.၁၃ ခရစ်တော်၏ အသွီးတော်အားဖြင့်၊ သို့မဟုတ် ခရစ်တော်၏ အသီခံခြင်းအားဖြင့်။ အပါးတော်သို့ ရောက်ကြရလေ၏။