ယောဟန် 20

ယေသျှုက တပည့်တော်တိကို ကိုယ်ထင်ပြတော်မူခြင်း

19 အချိန်ကား တလင်းဂနီနိ့၏ မိုးချုပ်စချိန် ဖြစ်၏။ ယုဒအာဏာပိုင်တိကို ကြောက်၍ တပည့်တော်ရို့သည် တန်းခါး ပိတ်ကာ အတူတကွ စုရုံးလျက် နိန်ကြ၏။ ထိုအခါ ယေသျှုသည် ဝင်ရောက်လာ၍ တပည့်တော်တိကြား၌ မတ်တပ်ရပ်ပြီးလျှင် "သင်ရို့၌ ငြိမ်သက်ခြင်းဟိပါစီသောဝ်" ဟု နှုတ်ဆက်လေ၏။ 20 ယေသျှုသည် ထိုသို့ မိန့်တော်မူပြီးနောက် သူ၏လက်ဝါးနှင့် သူ၏နံဘေးကို သူ၏တပည့်တော်တိအား ပြ၏။ တပည့်တော်ရို့သည် သခင်ဘုရားကို မြင်ရ၍ အလွန်ဝမ်းမြောက်ကြ၏။ 21 ယေသျှုက "သင်ရို့၌ ငြိမ်သက်ခြင်း ဟိပါစီသောဝ်" ဟု တဖန် နှုတ်ဆက်ပြီးလျှင် "အဖ က ငါ့ကို စီရွှတ်သကဲ့သို့ သင်ရို့ကိုလည်း ငါစီရွှတ်လိုက်၏" ဟု မိန့်တော်မူ၏။ 22 ထို့နောက် သူရို့အထက်၌ မှုတ်တော်မူလျက် "သန့်ယှင်းသောဝိညာဉ်တော်ကို ခံယူကြလော့" ဟု မိန့်တော်မူ၏။ 23 ✝၂၀.၂၃ မ ၁၆.၁၉; ၁၈.၁၈ "သင်ရို့သည် လူရို့၏အပြစ်ကို လွှတ်လျှင် ထိုသူရို့သည် အပြစ်မှ လွှတ်ခြင်းကို ခံရလိမ့်မည်၊ သင်ရို့သည် လူရို့၏အပြစ်ကို မလွှတ်လျှင် ထိုသူရို့သည်လည်း အပြစ်မှ မလွတ်ကြ" ဟု မိန့်မှာတော်မူ၏။