Lucas 11

ယေသျှုသည် ဆုတောင်းခြင်းအကြောင်းကို သွန်သင်တော်မူခြင်း

1 တစ်နိ့၌ ယေသျှုသည် တစ်ခုသောအရပ်တွင် ဆုတောင်းလျက်နိန်တော်မူ၏။ ဆုတောင်းပြီးသောအခါ တပည့်တော်တစ်ဦးက "အသျှင်ဘုရား၊ ယောဟန်က မိမိတပည့်တိကို ဆုတောင်းနည်း သင်ပီးစွာပိုင် အကျွန်ရို့ကိုလည်း သင်ပီးပါ" ဟု လျှောက်ထား၏။

2 ယေသျှုကလည်း ထိုသူရို့အား၊ "သင်ရို့ ဆုတောင်းသောအခါ၊

" ‘အဖ၊

ကိုယ်တော်၏ နာမတော်အား ရိုသီလေးမြတ်ခြင်း ဟိပါစီသောဝ်၊

နိုင်ငံတော် တည်ထောင်ပါစီသောဝ်။

3 အကျွန်ရို့ လိုအပ်သော အစားအစာကို*၁၁.၃ အကျွန်ရို့ လိုအပ်သော အစားအစာကို၊ သို့မဟုတ် မနက်ဖြန်အတွက် အစားအစာ။ နိ့တိုင်း ပီးသနားတော်မူပါ။

4 သူတစ်ပါးက အကျွန်ရို့အား ပြစ်မှားသော အပြစ်တိကို၊

အကျွန်ရို့ ခွင့်ရွှတ်ပီးစွာပိုင်၊ အကျွန်ရို့ အပြစ်တိကိုလည်း ခွင့်ရွှတ်တော်မူပါ။

အကျွန်ရို့၌ ကြီးစွာသော စုံစမ်းသွီးဆောင်ခြင်းကို မရောက်ပါစီကေ့ ဟူ၍ မြွက်ဆိုကြလော့’ " ဟု မိန့်တော်မူ၏။

5 တဖန် ယေသျှုက တပည့်တော်ရို့အား မိန့်တော်မူသည်ကား "သင်ရို့ထဲမှ တစ်ယောက်ယောက်က သန်းခေါင်ချိန်၌ မိတ်ဆွီတစ်ဦး၏ အိမ်သို့ လား၍ ‘အဆွီ၊ ကျေးဇူးပြု၍ အကျွန့်ကို မုန့်သုံးလုံး ချီးပီးပါ။ 6 အကျွန်၏ အဆွီသည် ခရီးလားယင်း အကျွန့်ပါးမာ ရောက်နိန်ပါသဖြင့် သူ့ကို ကျွေးစရာ တစ်ခုလေ့ မဟိ’ ဟု ဆိုသော်၊ 7 ထိုသူက ‘အကျွန့်ကို မနှောက်ယှက်ကေ့၊ တန်းခါး ပိတ်ထားဗျာယ်၊ အကျွန်နှင့် အကျွန့် သားသမီးရို့သည် အိပ်ယာဝင် နိန်ဗျာယ်။ အကျွန် ထပြီးလျှင် သင့်ကို တစ်ခုလေ့ မပီးနိုင်’ ဟု အိမ်ထဲက ပြောလိမ့်မည်။ 8 ငါပြောမည်၊ မိတ်ဆွီတစ်ဦးအနိန်နှင့် ထပြီး သင့်ကို မပီးကေလည်း၊ ရှက်ကြောက်ခြင်းမဟိဘဲ ဆက်တိုက် တောင်းနိန်သည်ဖြစ်၍ အိမ်သျှင်က ထပြီးလျှင် လိုအပ်သလောက် မုန့်တိကို ပီးလိမ့်မည်။

9 "သင်ရို့ကို ငါပြောမည်။ တောင်းကြလော့၊ တောင်းလျှင် ရကြလိမ့်မည်။ ရှာကြလော့၊ ရှာလျှင် တွိ့ရလိမ့်မည်။ တန်းခါးကို ခေါက်ကြလော့၊ ခေါက်လျှင် တန်းခါးကို ဖွင့်လိမ့်မည်။ 10 အကြောင်းမူကား တောင်းသောသူတိုင်း ရလိမ့်မည်၊ ရှာသောသူ တွိ့လိမ့်မည်၊ တန်းခါးကို ခေါက်သောသူအား တန်းခါးကို ဖွင့်ပီးလိမ့်မည်။ 11 သင်ရို့၌ အဖဖြစ်သူသည် မိမိသားက ငါးတောင်းသောအခါ မြွီကို ပီးမည်လော။ 12 ကြက်ဥ တောင်းစွာကို ကင်းမီးကောက်ကို ပီးမည်လော။ 13 သင်ရို့သည် အဆိုးဖြစ်လျက်ပင် သားသမီးရို့အား ကောင်းသောအရာများ ပီးရမည်ကို သိကြလျှင်၊ ထိုမျှမက ကောင်းကင်ဘုံသျှင် အဖသည် တောင်းသောသူရို့အား သန့်ယှင်းသောဝိညာဉ်တော်ကို သာ၍ ပီးတော်မူမည် မဟုတ်လော" ဟု မိန့်တော်မူ၏။

ယေသျှုနှင့် ဗေလဇေဗုလ

14 ယေသျှုသည် ဆွံ့အသော နတ်ဆိုးကို နှင်ထုတ်တော်မူ၏။ နတ်ဆိုး ထွက်လားပြီးနောက် ဆွံ့အသောသူသည် စကားပြောလေ၏၊ ထို့ကြောင့် လူထုပရိသတ်ရို့သည် အံ့သြကြ၏။ 15 ✝၁၁.၁၅ မ ၉.၃၄; ၁၀.၂၅သို့သော် လူတချို့က "ဤသူသည် နတ်ဆိုးဘုရင် ဗေလဇေဗုလက ပီးသောတန်ခိုးဖြင့် နတ်ဆိုးတိကို နှင်ထုတ်နိန်သည်" ဟု ဆိုကြ၏။

16 ✝ ၁၁.၁၆ မ ၁၂.၃၈; ၁၆.၁; မာ ၈.၁၁ အခြားသော သူရို့က ကောင်းကင်က နိမိတ်လက္ခဏာတစ်ခုကို တောင်းခံ၍ ကိုယ်တော့်ကို စုံစမ်းကြ၏။ 17 သို့သော် ယေသျှုသည် ထိုသူရို့၏ အကြံအစည်ကို သိတော်မူသဖြင့်၊ ထိုသူရို့အား "မိမိအတွင်းမှာ ဆန့်ကျင်ကွဲပြားနိန်သော ဇာတိုင်းနိုင်ငံ မဆို ပျက်စီးလားဖို့ရာ ဖြစ်တေ။ မိမိအတွင်း၌ ဆန့်ကျင်ကွဲပြားနိန်သော အိမ်ထောင်စု တစ်ခုသည်လည်း ကျဆုံးလားဖို့ရာ ဖြစ်တေ။ 18 ယေဇူးနန့် စာတန်၏နိုင်ငံသည်လည်း အချင်းချင်း ဆန့်ကျင်တိုက်ခိုက်နိန်ကြသော အုပ်စုများ ဟိလျှင် ထိုနိုင်ငံသည် ဇာပိုင် ရပ်တည်နိုင်ဖို့လဲ။ သင်ရို့က ငါသည် ဗေလဇေဗုလက ပီးသောတန်ခိုးဖြင့် နတ်ဆိုးတိကို နှင်ထုတ်နိန်သည်ဟု ဆိုကတ်တေ။ 19 အကယ်၍ ငါသည် ဗေလဇေဗုလက ပီးသောတန်ခိုးဖြင့် နတ်ဆိုးတိကို နှင်ထုတ်နိန်သည်ဟု ဆိုလျှင်၊ သင်ရို့၏ တပည့်ရို့သည် နတ်ဆိုးကို ဇာပိုင် နှင်ထုတ်ကတ်စွာလဲ။ ယင်းကြောင့် သူရို့သည် မှားယွင်းနိန်ကြောင်းကို သင်ရို့၏တပည့်ရို့က သက်သီပြလျက်ဟိ၏။ 20 သို့ရာတွင် ငါသည် ဘုရားသခင်၏လက်တော်ဖြင့် နတ်ဆိုးတိကို နှင်ထုတ်နိန်၏၊ ထို့ကြောင့် ဘုရားသခင်၏ နိုင်ငံတော်သည် သင်ရို့ပါးသို့ ရောက်နိန်ဗျာယ်။

21 "ခွန်အားကြီးသောသူတစ်ယောက်သည် လက်နက်အစုံအလင်နှင့် မိမိအိမ်ကို စောင့်ကြပ်နိန်သောအခါ သူ၏ ဥစ္စာပစ္စည်းများသည် လုံခြုံလျက်ဟိ၏။ 22 သို့သော်လည်း သူ့ထက် ခွန်အားကြီးသောသူတစ်ယောက်သည် သူ့ကို တိုက်ခိုက်၍ အနိုင်ရသောအခါ သူသည် ထိုသူအားကိုးသည့် လက်နက်များကို သိမ်းယူပြီး၊ ထိုသူ၏ ဥစ္စာပစ္စည်းတိကိုလည်း ခွဲဝီကြလိမ့်မည်။"

23 ✝ ၁၁.၂၃ မာ ၉.၄၀ "ငါနန့်အတူ မဟိသောသူသည် ငါ့ကို ဆန့်ကျင်သောသူဖြစ်၏။ ငါနန့်အတူ တစ်စုတည်း မဟိသောသူသည်လည်း ဖြန့်ကြဲနိန်သောသူဖြစ်၏" ဟု မိန့်တော်မူ၏။

နတ်ဆိုး ပြန်လာခြင်း

24 "နတ်ဆိုး တစ်ကောင်သည် လူထဲက ထွက်လားပြီးလျှင် ခြောက်သွိ့သောအရပ်၌ လှည့်လည်ကာ နားခိုရာ ရှာနိန်၏။ ရှာလို့ မတွိ့သောအခါ ‘ငါ ထွက်လာခသည့်အိမ်ကို ပြန်လားရဖို့’ ဟု ဆို၏။ 25 ထိုနတ်ဆိုးသည် ထိုအိမ်သို့ ရောက်လာသည့်အခါ အိမ်သည် သန့်ယှင်းလျက်ဟိသည်ကို တွိ့ရ၍၊ 26 သူသည် လား၍ မိမိထက် သာ၍ ဆိုးရွားသော တခြားနတ်ဆိုး ခုနစ်ကောင်ကို ခေါ်လာပြီးလျှင် သူရို့သည် ထိုနီရာ၌ ဝင်ရောက် နီထိုင်ကြလေ၏။ ဤသို့ဖြင့် ထိုလူ၏ နောက်မှ ဖြစ်လာသော အခြေအနေသည် ရှိ့က ဖြစ်ခသော အခြေအနေထက် သာ၍ ဆိုးလေ၏" ဟု မိန့်တော်မူ၏။

စစ်မှန်သော မင်္ဂလာ

27 ယေသျှုသည် ဤအကြောင်းအရာကို ဟောပြောနိန်စဉ် လူအုပ်ထဲမှ မိန်းမကြီးတစ်ယောက်က "အသျှင့်ကို မွီးဖွား၍ ပြုစုစောင့်ရှောက်သော မိခင်သည် မင်္ဂလာဟိပါ၏" ဟု ဟစ်အော်ပြောလေ၏။

28 သို့ရာတွင် ယေသျှုက "ဘုရားသခင်၏ နှုတ်ကပါတ်တော်ကို ကြားရ၍ လိုက်နာသောသူသည် သာ၍ မင်္ဂလာဟိ၏" ဟု မိန့်တော်မူလေ၏။

နိမိတ်လက္ခဏာပြရန် တောင်းဆိုခြင်း

29 ✝ ၁၁.၂၉ မ ၁၆.၄; မာ ၈.၁၂ လူထုပရိသတ်ရို့သည် များပြားလာကြသောအခါ ယေသျှုက "ဤသူရို့သည် ဆိုးယုတ်သောအမျိုး ဖြစ်ကြ၏၊ သူရို့သည် နိမိတ်လက္ခဏာတစ်ခုကို တောင်းဆိုကြ၏။ ယေဒါလည်း ယောန၏ နိမိတ်လက္ခဏာမှတစ်ပါး ဇာနိမိတ်လက္ခဏာကိုမှ သူရို့ကို ပြလိမ့်မည် မဟုတ်။ 30 ယောနသည် နိနေဝေမြို့သားတိအတွက် နိမိတ်လက္ခဏာဖြစ်သကဲ့သို့ လူသားသည် ဤသူရို့အတွက် နိမိတ်လက္ခဏာ ဖြစ်လိမ့်မည်။ 31 တရားစီရင်တော်မူရာ နိ့၌ ယှေဘပြည်က ဘုရင်မသည် ထရပ်ပြီးလျှင် ဤသူရို့ကို ပြစ်ဒဏ်စီရင်လိမ့်မည်။ ဇာကြောင့်ဆိုသော် ယှေဘပြည်က ဘုရင်မသည် သျှောလမုန်မင်းကြီး၏ ပညာစကားကို နားထောင်ရန် အလွန်ကွာဝီးလျက်ဟိသောမိမိ၏ တိုင်းပြည်မှ လာရောက်လေ၏။ သျှောလမုန်ထက် ကြီးမြတ်သောသူသည် ဤအရပ်၌ ဟိ၏။ 32 တရားစီရင်တော်မူရာ နိ့ရက်၌ နိနေဝေမြို့သားတိက ထရပ်ပြီး ဤလူတိကို ပြစ်ဒဏ်စီရင်ကြလိမ့်မည်။ ဇာကြောင့်ဆိုသော် ယောနသည် ဟောပြောစဉ်တွင် နိနေဝေမြို့သားတိသည် နောင်တရကြလေ၏။ ယောနထက် ကြီးမြတ်သောသူသည် ဤအရပ်၌ ဟိ၏ဟု မိန့်တော်မူ၏။

ခန္ဓာကိုယ်၏ အလင်း

33 ✝ ၁၁.၃၃ မ ၅.၁၅; မာ ၄.၂၁; လု ၈.၁၆ "ဆီမီးခွက်ကို ထွန်း၍ တောင်း အောက်၌ ထားလေ့မဟိ၊*၁၁.၃၃ တချို့ မူရင်းကျမ်းများတွင် တောင်း အောက်၌ ထားလေ့မဟိ၊ ကို ဖော်ပြမထားပေ။ ဝင်လာသောသူတိ အလင်းကို မြင်စီခြင်းငှာ မီးတင်ခုံထက်၌သာ တင်ထားလေ့ဟိ၏။ 34 သင်၏မျက်စိသည် သင့်ခန္ဓာကိုယ်၏ မီးခွက်ဖြစ်၏။ သင့်မျက်စိကြည်လင်လျှင် သင့်တစ်ကိုယ်လုံးသည်လည်း လင်းလျက်ဟိ၏။ သို့ရာတွင် သင်၏ မျက်စိမကောင်းလျှင်မူကား သင့်တစ်ကိုယ်လုံးသည် မှောင်လျက်ဟိ၏။ 35 ထို့ကြောင့် သင်ရို့၌ဟိသော အလင်းသည် အမှောင်မဖြစ်စီဖို့ သတိပြုကတ်ပါ။ 36 အကယ်၍ သင့်ခန္ဓာတစ်ကိုယ်လုံးသည် အလင်း၌ ဟိလျှင် မှောင်မိုက်ဟူ၍ မဟိဘဲ ဆီမီးခွက်၏အလင်းသည် လင်းလက်နိန်သကဲ့သို့ သင်၏ ခန္ဓာကိုယ်တစ်ခုလုံးသည်လည်း လင်းလက်နိန်လိမ့်မည်" ဟု မိန့်တော်မူ၏။

ယေသျှုက ဖာရိယှဲရို့နှင့် ကျမ်းတတ်ဆရာရို့ကို အပြစ်တင်ခြင်း

37 ယေသျှုသည် မိန့်တော်မူပြီးသောအခါ၊ ဖာရိယှဲတစ်ယောက်သည် ကိုယ်တော့်ကို မိမိနှင့်အတူ စားသောက်တော်မူရန် ပင့်ဖိတ်လေ၏။ ထို့ကြောင့် ကိုယ်တော်သည် သူ၏အိမ်သို့ကြွ၍ စားပွဲ၌ ထိုင်တော်မူ၏။ 38 ယေသျှုသည် အစာကို မသုံးဆောင်မှီ လက်ကိုဆီးကြောခြင်း ပြုတော်မမူသည်ကို ဖာရိယှဲသည် မြင်သောအခါ အံ့သြလေ၏။ 39 ထို့ကြောင့် သခင်ဘုရားက၊ "သင်ရို့ ဖာရိယှဲတိက လောင်ဗွန်း၊ ခွက်တိကို အပြင်ဖက်၌သာ စင်ကြယ်အောင် ဆီးကြောသော်လည်း အတွင်း၌မူကား သင်ရို့သည် လောဘကြီးခြင်း၊ ဆိုးညစ်ခြင်းများဖြင့် ပြည့်နှက်လျက်ဟိ၏။ 40 အချင်းလူမိုက်ရို့၊ အပြင်ဖက်ကို ဖန်ဆင်းတော်မူသော ဘုရားသခင်သည် အတွင်းဖက်ကိုလည်း ဖန်ဆင်းတော်မူသည် မဟုတ်လော။ 41 ယေဒါလည်း သင်ရို့၏ လောင်ဗွန်းနှင့် ခွက်တိ၌ဟိသော အရာတိကို ဆင်းရဲသားရို့အား ပီးကမ်းကြလော့။ ထိုသို့ပြုလျှင် အရာအားလုံးသည် သင်ရို့အတွက် သန့်ယှင်းလိမ့်မည်" ဟု မိန့်တော်မူ၏။

42 "ဖာရိယှဲရို့၊ သင်ရို့သည် အမင်္ဂလာဟိကြ၏။ သင်ရို့သည် ဟင်းသီးဟင်းရွက်များနှင့် အခြားဆီးဖက်ဝင် အရွက်အမျိုးမျိုးကို ဆယ်ဖို့တစ်ဖို့ ပီးလှူကြသော်လည်း တရားသဖြင့်စီရင်ခြင်း၊ ဘုရားသခင်အား ချစ်ခြင်းတိကို ဥပေက္ခာပြုထားကြ၏။ အခြားအရာတိကို ဥပေက္ခာမပြုဘဲ၊ ဤအရာတိကို ကျင့်သုံးသင့်၏။"

43 "ဖာရိယှဲရို့၊ သင်ရို့သည် အမင်္ဂလာဟိ၏။ သင်ရို့သည် တရားဇရပ်တိ၌ မြင့်မြတ်သောနီရာတိကိုလည်းကောင်း၊ စျီးထဲ၌ ရိုသီစွာ နှုတ်ဆက်ခြင်းကိုလည်းကောင်း နှစ်သက်ကြ၏။ 44 သင်ရို့သည် အမင်္ဂလာဟိကြ၏။ သင်ရို့သည် အမှတ်အသားမဟိသော သင်္ချိုင်းတွင်းနှင့် တူကြ၏။ လူရို့သည် ထိုတွင်းထက်မှ လားလာကြသော်လည်း သင်္ချိုင်းတွင်းမှန်း မသိကြ" ဟု မိန့်တော်မူ၏။

45 ကျမ်းတတ်ဆရာတိထဲမှ တစ်ယောက်က၊ "ဆရာ၊ ဤသို့ မိန့်တော်မူသည်ကား အကျွန်ရို့ကိုလည်း စော်ကားရာ ကျပါ၏" ဟု လျှောက်၏။

46 ယေသျှုကလည်း၊ "ကျမ်းတတ်ဆရာရို့၊ သင်ရို့သည် အမင်္ဂလာဟိကြ၏။ ထမ်းရခက်သော ဝန်ထုပ်တိကို လူတိကို ထမ်းစီပြီးလျှင်၊ သင်ရို့ကိုယ်တိုင်က ထိုဝန်ထုပ်တိကို လက်ဖျားနှင့်တောင် မတို့ကတ်။ 47 သင်ရို့သည် အမင်္ဂလာဟိကြ၏။ သင်ရို့သည် မိမိရို့အဖိုးအဖီးတိ သတ်ခသော ပရောဖက်တိအတွက် တင့်တယ်သော အုတ်ဂူတိကို တည်ဆောက်ပီးကြ၏။ 48 ထို့ကြောင့် သင်ရို့၏ အဖိုးအဖီးတိ ကျူးလွန်ခသောအမှုတိ၌ သင်ရို့က အလိုတူအလိုပါ ဖြစ်ကြ၏။ သင်ရို့ အဖိုးအဖီးရို့က ပရောဖက်တိကိုသတ်ပြီး သင်ရို့က အုတ်ဂူတိကို တည်ဆောက်ပီးကြ၏။ 49 ယင်းအတွက်ကြောင့် ဘုရားသခင်သည် မိမိ၏ ဉာဏ်ပညာအားဖြင့် ‘ငါသည် ပရောဖက်တိ၊ တမန်တော်တိကို ဤလူတိပါးသို့ စီရွှတ်မည်။ သူရို့သည်ကား တချို့ကို ညှည်းဆဲပြီးလျှင်၊ တချို့ကို သတ်ကြလိမ့်မည်’ ဟု မိန့်တော်မူ၏။ 50,51 ထို့ကြောင့် အာဗေလမှစ၍ သန့်ယှင်းရာဌာနနှင့် ယဇ်ပလ္လင်ကြားတွင် အသတ်ခံခရသော ဇာခရိအထိ၊ ကမ္ဘာတည်ချိန်မှစပြီး အသတ်ခံခရသော ပရောဖက်ရို့၏ အသွီးကြောင့် ဤလူမျိုးရို့သည် ပြစ်ဒဏ်စီရင်ခြင်းကို ခံရကြလိမ့်မည်။ ငါဆိုသည်ကား၊ ဤလူမျိုးရို့သည် ယင်းအမှုအရာအားလုံးအတွက် အပြစ်စီရင်ခြင်းကို ခံရကြလိမ့်မည်။

52 "ကျမ်းတတ်ဆရာရို့၊ သင်ရို့သည် အမင်္ဂလာဟိကြ၏။ သင်ရို့သည် အသိပညာအိမ်တန်းခါးကို ဖွင့်သော သော့ကို သိမ်းထားကြပြီးကေ ကိုယ်တိုင်လည်းမဝင်၊ ဝင်ဖို့ကြိုးစားနိန်ကြသော သူရို့ကိုလည်း ဆီးတားထားကြ၏" ဟု မိန့်တော်မူ၏။

53 ထိုအရပ်မှ ယေသျှုသည် ထွက်ကြွတော်မူသောအခါ၊ ဖာရိယှဲနှင့် ကျမ်းတတ်ဆရာရို့သည် ကိုယ်တော်အား ခါးသီးစွာ ဝေဖန်ပြောဆိုခြင်းကို စတင်ကြလေ၏၊ အကြောင်းအရာ များစွာကိုလည်း မိန်းမြန်းကာ၊ 54 နှုတ်တော်ထွက်စကားတွင် အမှားရှာ၍ ဖမ်းဆီးရန် ကြိုးစားကြလေ၏။