လုကာ 6

လက်တစ်ဖက် လီဖြတ်နိန်သူ

6 အခြားသော ဥပုသ်နိ့ တစ်နိ့တွင် ယေသျှုသည် တရားဇရပ်ထဲသို့ ဝင်ပြီးလျှင် ဟောပြောသွန်သင်တော်မူ၏။ ထိုနီရာ၌ လက်ျာဖက် လက်သီသူတစ်ဦးဟိ၏။ 7 တချို့သော ကျမ်းတတ်ဆရာရို့နှင့် ဖာရိယှဲရို့သည် ယေသျှုကို အပြစ်ရှာလိုသဖြင့် ဥပုသ်နိ့၌ ထိုသူအား ကျန်းမာခွင့်ပီးမည်၊ မပီးမည်ကို စောင့်ကြည့်ကြ၏။ 8 သို့သော် ယေသျှုသည် ထိုသူရို့၏ အကြံအစည်ကို သိသောအခါ လက်သီသောသူအား "ထလာပြီးလျှင် ရှိ့တွင်လာရပ်ပါ" ဟု မိန့်တော်မူသည်အတိုင်း ထိုသူသည် ထ၍ မတ်တပ်ရပ် နိန်၏။ 9 ထိုအခါ ယေသျှုက "သင်ရို့ကို ငါမိန်းမေ။ ပညတ်တရားအရ ဥပုသ်နိ့၌ ကျေးဇူးပြုသင့်သလား၊ သူ့အကျိုးကို ဖျက်ဆီးသင့်သလား။ လူတစ်ယောက်၏အသက်ကို ကယ်သင့်သလား၊ ဖျက်ဆီးသင့်သလား" ဟု မိန့်တော်မူ၏။ 10 ကိုယ်တော်သည် ထိုသူရို့အား လှည့်ပတ်၍ ကြည့်တော်မူပြီးလျှင် လက်သီသောသူအား "သင့်၏လက်ကို ဆန့်လော့" ဟု မိန့်တော်မူ၏။*၆.၁၀ မိန့်တော်မူ၏၊ တချို့သော မူရင်းကျမ်းစာ၌ ဒေါသကြီးစွာ မိန့်တော်မူ၏၊ ဟု ဖော်ပြထားသည်။ ထိုသူသည် လက်ကို ဆန့်လိုက်သောအခါ အကောင်းပကတိ ဖြစ်လေ၏။