လုကာ 9

ယေသျှု၏ နောက်လိုက်ဖြစ်လိုသူများ

57 ထိုသို့ သူရို့သည် ခရီးပြုနိန်ကြစဉ် လူတစ်ယောက်က "အကျွန်သည်၊ ကိုယ်တော်ကြွတော်မူရာ အရပ်ရပ်သို့ လိုက်ပါမည်" ဟု ကိုယ်တော့်ကို လျှောက်ထား၏။

58 ယေသျှုက "မြီခွီးမှာ တွင်းဟိ၏။ ငှက်မှာလဲ အသိုက်ဟိ၏။ သို့သော် လူသားမှာကား ဂေါင်းချစရာ နီရာတောင်မဟိ" ဟု မိန့်တော်မူ၏။

59 ကိုယ်တော်သည် အခြားလူတစ်ယောက်အား "ငါ့နောက်သို့လိုက်လော့" ဟု မိန့်တော်မူ၏။

သို့သော်လည်း ထိုသူက "အသျှင်၊ အကျွန့်အဖ၏အလောင်းကို အယင် လား၍ သင်္ဂြိုဟ်ခွင့် ပီးတော်မူပါ" ဟု လျှောက်၏။

60 ယေသျှုကလည်း "လူသီရို့က မိမိရို့လူသီအား သင်္ဂြိုဟ်ကတ်ပါစီ၊ သင်မူကား လား၍ ဘုရားသခင်၏ နိုင်ငံတော်အကြောင်းကို ဟောပြောလော့" ဟု ထိုသူအား မိန့်တော်မူ၏။

61 အခြားသောသူတစ်ယောက်က "အသျှင်၊ အကျွန်သည် ကိုယ်တော့်နောက်သို့ လိုက်ပါမည်။ သို့သော် အကျွန်၏ အိမ်သူအိမ်သားတိကို လား၍ ဦးစွာ နှုတ်ဆက်ခွင့် ပြုတော်မူပါ" ဟု လျှောက်လေ၏။

62 ယေသျှုကလည်း "ထွန်ကိုင်းကိုကိုင်လျက် နောက်လှည့်ကြည့်သောသူသည် ဘုရားသခင်၏ နိုင်ငံတော်အတွက် အသုံးမဝင်" ဟု ပြန်၍ မိန့်တော်မူ၏။