မဿဲ 20

မိခင်တစ်ယောက်၏ တောင်းပန်ခြင်း

20 ထိုအခါ ဇေဗေဒဲ၏မယားသည် သူမ၏သား နှစ်ယောက်နှင့်အတူ ယေသျှုထံပါးသို့ ရောက်လာ၍ ယေသျှုရှိ့မှာ ပျပ်ဝပ်ကာ သူမ လိုချင်သောအရာတစ်ခုကို တောင်းဆို၏။

21 ယေသျှုက၊ "သင်သည် ဇာကို လိုချင်ပါလဲ" ဟု သူမအား မိန်း၏။

"အသျှင်ဘုရားသည် သျှင်ဘုရင်ဖြစ်လာသောအချိန်မှာ အကျွန့်သားနှစ်ယောက်ကို အသျှင်ဘုရား၏ လက်ယာရံ၊ လက်ဝဲရံ အဖြစ်စံမြန်းရပါမည့်အကြောင်း ကတိစကားတစ်ခွန်းကို အကျွန့်အား ပီးတော်မူပါ" ဟု ထိုမိန်းမက တောင်းလျှောက်၏။

22 ယေသျှုကလည်း "သင်ရို့ ဇာကို တောင်းနိန်သည်ကို သင်ရို့ မသိကတ်။ ငါ သောက်ရမည့် ခွက်ကို သင်ရို့ သောက်နိုင်ကတ်ဖို့လား" ဟု သူမ၏ သားနှစ်ယောက်ကို မိန့်တော်၏။

သူရို့ကလည်း "အကျွန်ရို့ သောက်နိုင်ပါ၏" ဟု လျှောက်ကြ၏။

23 ယေသျှုက "သင်ရို့သည် ငါ၏ခွက်ကို အမှန်ပင် သောက်ရကြလိမ့်မည်။ သို့သော် ငါ၏လက်ယာဖက်၊ လက်ဝဲဖက်မှာ ထိုင်မည့်သူတိကို ငါသည် ရွီးချယ်ပိုင်ခွင့် မဟိ။ ငါ၏အဖက ရွီးချယ်ထားသောသူရို့သာ ဤနီရာကို ပိုင်ထိုက်တော်မူ၏" ဟု သူရို့အား မိန့်တော်မူ၏။