မဿဲ 26

ယေသျှုသည် ဂေသယျှေမန်ဥယျာဉ်၌ ဆုတောင်းတော်မူခြင်း

36 ထိုအခါ ယေသျှုသည် တပည့်တော်တိနှင့်အတူ ဂေသယျှေမန် ဟု ခေါ်သော ဥယျာဉ်သို့ ရောက်တော်မူ၏။ ကိုယ်တော်က "ငါသည် ထိုနီရာသို့ လား၍ ဆုတောင်းနိန်စဉ်၊ သင်ရို့ ဤနီရာ၌ ထိုင်နိန်ကတ်" ဟု မိန့်တော်မူပြီး၊ 37 ပေတရုနှင့် ဇေဗေဒဲသားနှစ်ယောက်ကို သူနှင့်အတူ ခေါ်လား၏။ ကိုယ်တော်သည် ဝမ်းနည်းခြင်းနှင့် စိတ်ပူပန်ခြင်းသို့ ရောက်တော်မူ၏။ 38 ထိုအခါ ကိုယ်တော်က "ငါ၏စိတ်နှလုံးထဲ၌ သီဖို့လောက် ဝမ်းနည်းလျက် ဟိ၏၊ ဤနီရာက နီ၍ ငါ့ကို စောင့်နိန်ကတ်" ဟု သူရို့ကို မိန့်တော်မူ၍၊ 39 ရှိ့သို့ အနည်းငယ်ကြွတော်မူပြီး၊ ပြပ်ဝပ်လျက်၊ "အကျွန်၏အဖ၊ ဖြစ်နိုင်မည်ဆိုလျှင် ဤခွက်ကို အကျွန့်ပါးက ဖယ်ယှားပီးတော်မူပါ။ သို့သော်လည်း အကျွန်၏အလိုအတိုင်း မဖြစ်စီဘဲ၊ ကိုယ်တော်၏အလိုတော်အတိုင်းသာ ဖြစ်စီတော်မူပါ" ဟု ဆုတောင်းတော်မူ၏။

40 ပြီးလျှင် ကိုယ်တော်သည် မိမိ၏တပည့်တော်တိအပါးသို့ ပြန်လာသောအခါ သူရို့ကို အိပ်ပျော်လျက် တွိ့၏။ ထိုအခါ ကိုယ်တော်က ပေတရုအား "သင်ရို့သည် တစ်နာရီလောက်တောင်မှ ငါ့ကို မစောင့်နိုင်ကတ်ပါကား" ဟု မိန့်တော်မူ၏။ 41 ကိုယ်တော်က "စုံစမ်းခြင်းထဲသို့ မကျရောက်စီခြင်းငှာ ဆုတောင်း၍ စောင့်နိန်ကတ်။ စိတ်အလိုသို့ ကိုယ်မလိုက်နိုင်" ဟု မိန့်တော်မူ၏။ 42 ကိုယ်တော်သည် ဒုတိယအကြိမ် ထွက်ကြွတော်မူပြီးလျှင် "အကျွန်၏အဖ၊ အကျွန်မသောက်ဘဲ ဤခွက်ကို ဖယ်ယှားပီးခြင်းငှာ မဖြစ်နိုင်လျှင်၊ ကိုယ်တော်၏အလိုတော် ပြည့်စုံတော်မူပါစီသောဝ်" ဟု ဆုတောင်းတော်မူ၏။ 43 ကိုယ်တော်သည် ပြန်လာသောအခါ တပည့်တော်ရို့ သည် မိမိရို့၏မျက်စိလေးလံသဖြင့် သူရို့သည် အိပ်ပျော်နိန်ကြသည်ကို တဖန် တွိ့ရပြန်၏။

44 ထို့ကြောင့် ကိုယ်တော်သည် သူရို့ကို ထားခပြီး နောက်တဖန်လား၍ မိမိတောင်းခသည့်အတိုင်း တတိယအကြိမ် ဆုတောင်းပြန်၏။ 45 ထို့နောက် ကိုယ်တော်သည် တပည့်တော်ရို့ပါးသို့ ပြန်လာ၍ "သင်ရို့သည် အိပ်စက်နားခိုနိန်ကတ်တုန်းလား။ ကြည့်လော့၊ လူသားကို အပြစ်သားတိလက်သို့ အပ်နှံရန် အချိန်ရောက်လာယာ။ 46 ကြည့်လော့၊ ငါ့ကို သစ္စာဖောက်သောသူသည် ဤနီရာသို့ ရောက်လာယာ။ ထကတ်၊ လားကတ်မေ" ဟု မိန့်တော်မူ၏။