लुक 1

34 मेनखान मा़रिया़म दो दुते मेतादेया, "नोवा दो चेत्‌लेकाते होयकोक्आ, एनते इञमाञ डा़ङगवा़गे?"

35 दुत दो उनिये मेतादेया, "सोनोत जिउगे आम चेतानरेये हिजुक्आ आर चोट उता़रिच् रेयाक्‌ दाड़ेगेये उमुलकामा, ओना इया़तेगे उनि जानामोक्इच् दो सोनोते बिका़उक्आ, इसोररेन होपोने ञुमोगोक्‌आ। 36 आर ञेलमे, आमरेन पेड़ा एलिसाबेत हों बुडहि पा़ड़िया़रे कोड़ा गिदरा़ होड़मोरेये ञाम आकावाना आर बा़ँजहिको मेतायिच् रेयाक्‌ नोवा दो तुरुइ चाँदो कानताया। 37 एनते इसोराक् जाहान काथागे बिन दाड़ेयानाक् दो बाङ होयोक्आ।"

38 आदो मा़रिया़मे मेतादेया, "ञेलमे इञ दो प्रोभुरेन का़ड़मि, आमेम रोड़केत् काथा लेका बाड़े होया़ञमा।" खान दुत दो उनि ठेन खोने चालावेना।