Lucas 10

भागे सा़मा़रि होड़ रेयाक्‌ फेन

25 आदो ञेलपे, "मित्‌टेन आ़न गुरु बिडा़वे ला़गित्‌ तेङगोकातेये मेनकेदा, ए गुरु, चेत्‌ इञ चेकालेरे जायजुग जियोन इञ आ़इदा़रिजोङा?"

26 उनि दोए मेतादेया, "आ़नरे चेत्‌ ओल आकाना? चेत्‌ लेकाम तोरजोमायेदा?"

27 आदोए रोड़ रुवा़ड़केदा, "प्रोभु आमरेन इसोर दो आमाक्‌ गोटा ओनतोरते, आमाक्‌ गोटा जिविते, आमाक्‌ गोटा दाड़ेते, आर आमाक्‌ गोटा मोनेते दुला़ड़ेम; आर आम आडेपासेरेन होड़ आपनारलेका दुला़ड़ेम।"✝10:27 लेबि १९:१८; देउ ६:५

28 आदोए मेतादेया, "ठिकगेम रोड़ रुवा़ड़केदा; ओनकायमे एनडेखान जिवेत्‌एम ताहेना।"

29 मेनखान उनि दो सा़रि टारहावक्‌ए मेनवानते जिसुइ मेतादेया, "ओकोय कानाय इञ आडेपासेरेन होड़ दो?"

30 जिसु दो आताङ गोत्‌केत्‌तेये रोड़ रुवा़ड़ादेया, "मित्‌ होड़ जेरुसालेम खोन जेरिखोतेये फेड चालाक्‌कान ताहेंकाना, आर डा़कुको तालारेये पाड़ावेना। ओनको दो किचरिच्‌को पोटोरकेदेया आरको दाल केदेया, आर आदमा़रवा़को बा़गि ओटोवादेया। 31 खान भा़ग दो मित्‌टेन नायके ओना होरतेये फेड चालाक्‌कान ताहेंकाना आर उनि ञेलकातेये सा पारोमेना। 32 ओनकागे मित्‌टेन लेबि होड़ हों ओना ठा़ँइ ठेने सेटेरेन खान, उनि ञेलकातेये सा पारोमेना। 33 मेनखान मित्‌टेन सा़मा़रि होड़ दाड़ानरेये सेन ञाम केदेया आर ञेलकेदेते माँयाँ हेच्‌ आदेया। 34 आर सेन सोरकातेे सुनुम आर दारखा रासा दुलात्‌ते घावकोय बा़दहिकेत्‌ताया। आदो आच्‌रेन जानवाररेये देच्‌ केदेया आर मित्‌टेन सा़रा़इते इदिकेदेतेये जोतोनकेदेया। 35 आर दोसार हिलोक्‌ बारया सिकि ओडोककाते सा़रा़इरेन किसा़ँड़ एमादेतेये मेतादेया, नुय जोतोनेम आर जाहानाक्‌गे बा़ड़तिम खोरोच, हेच्‌ रुवा़ड़ोक्‌रेञ एमकातामा।"

36 "नोको पे होड़को मोदरे ओकोयटाक्‌ आम बुजरे डा़कुको तालारे पाड़ावलेनिच्‌रेन आडेपासेरेन होड़े होयेना?"

37 उनि दोए मेनकेदा "माँयाँवादेयिच्‌गे।" आदो जिसु उनिये मेतादेया, "दो सेनकाते आम हों ओनकायमे।"