लुक 2

गुपिको ठेन दुतको

8 आर ओना टोठारे दो भिडि गुपिको बाथान टा़न्‌डिरेको ताहेनकान आर आकोरेन खा़ड़ भिडि ञिंदा़को होरहोयेत्‌कोकान ताहेंकाना। 9 खानगे प्रोभुरेन मित्‌टेन दुत ओनको ठेने तेङगोयेना आर ओनको बेड़हायते प्रोभुवाक् ठोनोक बामबेरेना आर बा़ड़िच् बोतोरको बोतोरेना। 10 आदो दुते मेतात्‌कोवा, "आलोपे बोतोरोक्आ, एनते ञेलपे, आ़डि रा़सका़ रेयाक्‌ भागे सोमबात इञ जा़हिरापेकाना। ओना दो जोतो दिसा़म होड़को ला़गित्‌ होयोक्आ। 11 एनते आपे ला़गित्‌ तेहेञ दो दा़उद नागराहारे मित्‌टेन बाबाञचाविच्ए जानामाकाना, ओने उनि दोए प्रोभु मा़सिकान।