18 आर ञेलपे, होड़को दो पारकोमते मित्टेन मित्काड़गोच् होड़को गोक् आ़गुयेकाना आर आदेरे आर जिसु सामाङरे दोहोयेको टेस्टाकान ताहेंकाना। 19 आर ओनको गादेल होड़ इया़ते आदेरे होर बाको ञामलेत्ते छातरेको देच्एना आर खापरा ओचोक्काते तालारे जिसु सामाङरे पारकोम सुदहा़गेको फेड गोत्कादेया। 20 आदो जिसु ओनकोवाक् बिसवा़स ञेलकातेये मेनकेदा, "ए हो, आमाक् का़इको दो इका़येनतामा।"
21 खानगे आ़न गुरुको आर फा़रिसिको दो हुदिसोक् एहोप्एनतेको मेनकेदा, "नुय दोए ओकोय काना, इसोर हेनोसतावाक्ए रोरोड़कान दो? का़इ दो ओकोय इका़ दाड़ेकेया एसकार इसोर छाडा दो?"
22 जिसु दो ओनकोवाक् हुदिस बुनदिस बाडायकातेये रोड़ रुवा़ड़ात्कोवा, "चेत्पे हुदिसेत्काना आपेयाक् मोनरे? 23 ओकाटाक् बा़ड़ति आलगावा आमाक् का़इको इका़येनतामा मेमेन, से बेरेत्काते ताड़ाममे" मेमेन? 24 मेनखान जेमोनपे बाडाय मानवा होपोन दो धा़रतिरे का़इ इका़ रेयाक् एकतिया़रि मेनाक्ताया मेनते। उनि मित्काड़ गोच् आकानिच्ए मेतादेया, "आमिञ मेतामकाना, मा बेरेत्मे आर आमाक् पारकोम कुटुङकाते ओड़ाक्ते चालाक्मे।"
25 खानगे इना़ घा़ड़िच्तेगे ओनको सामाङरेये बेरेत् एना आर आच्ए गितिच् लेनाक् कुटुङकाते इसोर साबासिवाते आच् ओड़ाक्तेये चालावेना।
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)