लुक 8

43 आर गेलबार बोछोर खोन पोरधोल रोगान मित्‌टेन मायजिवे ताहेंकाना आर आयाक्‌ सारा जिबोन आ़सुलोक्आक् रारानकोरे खोरोच गिडिकाते ओकोय हों बाको बोगे दाड़ेयादेया। 44 उनि दो तायोम सेच् खोन हेच् सोरकाते जिसुवाक् किचरिच् रेयाक्‌ आञचारे जोटेत्‌केत्‌ताया आर इना़ घा़ड़िच्‌तेगे उनियाक् माँयाँम ओडोकोक् दो टामभाव गोत्एना।

45 आदो जिसुइ मेनकेदा, "ओकोये जोटेत्‌केदिञा?" आर सानामकोगेको बाङकेत् खान, पातरासे मेनकेदा, "हेंदा गुरू, गादेल होड़ चोङ कुचित आरको रिडा़त्‌एत्‌मे कान।"

46 मेनखान जिसुइ मेनकेदा, "जाहाँय बाङ जाहाँये जोटेत्‌केदिञगेया, एनतेञ बाडायकेदा इञ खोन दाड़े ओडोक सेन आकाना।" 47 आदो उनि मायजिउ बाय ओको ताहेंदाड़ेयाक्‌आ मेनतेये बाडायकेत् खान थारथारावाते हेच्एना आर जिसु सामाङरे ओमबाक्एनते सानाम होड़को सामाङरेये ला़इ सोदोरकेदा चेत् मेनतेये जोटेत्‌लेदे आर चेत्‌लेका इना़ घा़ड़िच्‌तेये बोगेयेन। 48 जिसु दोए मेतादेया, "ए मा़इ, आमाक् बिसवा़सगेये बाञचाव आकात्‌मेया; निरा़इते सेनजोङमे।"