Lucas 8

49 जिसुइ रोरोड़कान ताहेंकानरेगे सुना़गोगरेन मुखिया़वाक् ओड़ाक् खोन मित् होड़ हेच्‌कातेये मेनकेदा, "होपोनेराम दोए बेनडावेना, गुरु दो आर आलोम हारोनेया।"

50 जिसु दो ओना आँजोमकातेये रोड़ रुवा़ड़केदा, "आलोम बोतोरोक्आ, एकेन पा़तिया़उक्‌मे, खाने बाञचावक्आ।"

51 आदो ओड़ाक्ए सेटेरेन खान आच् साँवते ओकोय हों बाय बोलो ओचोवात्‌कोवा, पातरास आर जोहान आर जाकोब आर उनि कुड़िरेन एङगात आपात छाडा दो। 52 आर सानाम होड़ उनि इया़तेको राराक्‌कान आर कोड़ामको चेटागोक्‌कान ताहेंकाना। मेनखान जिसुये मेनकेदा, "आलोपे रागा; बाङचोय गोच् आकान एकेने जा़पित् आकादा।"

53 आदोको लानदा धुत्आदेया, उनिये गोच् आकान बाडायकाते। 54 आर जिसु दो उनियाक् ति साप्‌कातेये होहोवादेया, "ए मा़इ मा बेरेत्‌मे।" 55 खानगे उनियाक् जिवि रुवा़ड़ेनताया आरे बेरेत् गोत्एना आर जोम ला़गित्‌ एमाये हुकुमकेदा। 56 आर उनिरेन एङगात आपात दोकिन ठाक एना, मेनखान जिसु दोए का़जियाँउकात्‌किना ओना होयेनाक् रेयाङ दो ओकोय हों आलोकिन ला़इयाकोवा मेनते।