युहान्ना 20

येशु लोब्टुबे तेहा थोङसोङ

19 हति ङिन, मदलब हप्तायि ङिन ताङस्युवा कमु, जब लोब्टुबा यहुदिबाला झिरे को क्यापते नाङला ताताता धुलो, येशु लेप्ते हतिबे उइला लाँरे त्येसोङ, राङ हतिबाला नाइसोङ, "खेला शान्ति!" 20 हति नाइरे हतिबाला रेँ टाङ राङ लाक्पा तान्सोङ। प्रभुला थोङदे लोब्टुबा कासोङ। 21 तेहि याङ येशुयि हतिबाला नाइसोङ, "खेला शान्ति! च्हिरु क्याइरे आकि ङाला चाँसोङ, हति च्वरा क्याइरे ङा खे ला चोङज्याइ।" 22 तेहि होचोम नाइरे ख्युइ हतिबे थोला उ ताङदे नाइसोङ, "पवित्र आत्मा खेर। 23 सुइ मियि तिक्पा खे माप किन हतिबे तिक्पा झ्हयिन, राङ सुइ तिक्पा माप मिकिता हति तिक्पा माप मिहा।"