João 3

3 येशुयि खोला जवाक पिन्सोङ, "तेम्बारे ङा खेला नाज्याइ, सु याङ सारबा क्याइरे माकेना ख्युइ कजसुबे राज्य मिथुवालो।" 4 निकोदेमसयि खोला नाइसोङ, "मि काप्पो च्युङदे च्हिरु क्याइरे किन? च्हि खो याङ आमायि टोपाला लाम्मा ङिबा सुरे याङ क्येङ्युइ किनाइ?"

5 येशुयि जवाक पिन्सोङ, "तेम्बारे ङा खेला नाज्याइ, रेन छ्यु राङ आत्माने माकेना कजसुबे राज्यला ढो मिङ्युइबा। 6 स्हुने क्येक्येबि सुना, राङ आत्ममाने क्येक्येबा आत्माने। 7 ङाहि खेला सारबा क्याइरे क्ये नाइरे हा:मालाइ। 8 हुरबो छोम्मुवा काङ यहला ढोसोम होए हति यहला ढुन। ख्युइ हुरबुइ क्ये ङ्यानकिन हिन्नाङ हति काङ योने हुन राङ काङ यहला ढुन, हति हा:मिकुवा। आत्माने क्येक्येबि मि पोरो हति च्वरा राङ हुन।"✝3:8 उपदेशक ११:५