युहान्ना 9

येशुयि क्येने राङ कानाला मिला टाक्तु च्युच्युका

1 हतिने ढुन ताताताला येशुयि क्येने राङ काना झिला थोङसोङ। 2 ख्युइ लोब्टुबे खोला टिसोङ, "गुरुज्यु, सुइ तिक्पा क्याइरे, धि कि धिबे आके आमायि, राङ धि काना च्युङदे?" 3 येशुयि जवाक पिन्सोङ, "न त धि तिक्पा क्याइरे न त धि आके आमायि, हिन्नाङ धि चाला च्युङदे कि कजसुबे लाइ धि मि मिजेला सअ नाइरे। 4 जब थु ङिन होतो हति थु हु राङला चोङानयि लाइ कि कोयिन, छान स्यारिन दु स्यान सुइ याङ लाइ कि मिङ्युइबा। 5 ङा संसारला होएहोए थु ङा संसारयि होए ना।"✝9:5 मत्ति ५:१४; युहान्ना ८:१२

6 धि ताम नाइरे ख्युइ साला छिमा ताप्सोङ, राङ छिमायि साबे च्हिरे धाबा स्यिरे हति मिला कुइसोङ। 7 तेहि ख्युइ हतिला नाइसोङ, "कु, सिलोआमयि चाँचाँबि चिङला पुते स्योल।" हति पुते टिसो राङ थोङान च्युङदे लेप्सोङ।