1 Timóteo 3

Abɛ mla na ndum kɛ Arik ne Akabaŋkɔŋ

1 Waŋa ayi bla ilɛ didik: Ate yi ndi nɛr awɔb gli aneshir abɛ zǝ Arik, awɔb ndum didik. 2 Neme ngɔŋ ne gli aneshir ne Akabankɔŋ abɛ yi waŋ ndi ba anabu ivǝn ŋɔk ne atu ayi kinuŋ ba, abɛyi ner nǝ iwa zhiin, inǝ vuŋ kpa gli inǝ te sǝsǝk Arik, ine ta acɛn, be yi nǝ tsar; 3 ba yi ine sɔ ki rǝrǝ ba, ba ine te mfu andanda ba, abɛ yi inǝ shur kpa, ba ine wɔb vǝǝ ba, ba ine nyɛr azɔb ba. 4 Abɛ yi waŋ ndi agli ikɔ maa igligli ididik, tena Gli amumun amaa gligli ididik te duŋ ba azǝ lɛ maa ne ankɔŋ adidik. 5 Waŋ ndi bate zhi gli kɔmaa ba atei na kikin te zhi gli aner abɛ zǝ Arik? 6 Kǝr abɛ yi waŋ ndi atashe ata Arik ba, te kǝr abɛ lǝktu agli ne shu ba te azhaku ne ambuk ayiŋ ndi ne nyak shetan neyi. 7 Abɛ nayi nǝ sak didik iwaŋ ndi abɛ yaŋ zǝ Arik alɛ lɛ kǝ rɛ ne atu amaa, te kǝr abɛ nabu ven ŋɔk ba, te kǝr abɛ zhaku nɛ atsǝtsaŋ ayi shetan ba.