1 Ne klɛtu, akpa amɔr, ta ben zhin, tena gbaŋ zhin atɔŋ te sɔŋ min bǝ duŋ Arik a nyɛr zhin, ir keŋ ndi izhin tsin azǝzaŋa ta rib zhin te ben zhin ne sak kɛ Ŋgɔŋ Yesɔ izhin bǝ tsǝ klɛ mgbamgbaŋ. 2 Te zhin ne zhi te gbaŋ atɔŋ iyiŋ ndi tane bla zhin ne mgbyamgbyaŋ kɛ Ŋgɔŋ Yesɔ.

3 Arik awɔb tǝ zhin bǝ yi tsetser tǝna tǝ shaan nǝ bubu yi kur bǝn iwa waŋ ndi ba yi wami ba. 4 kɔte ŋɔ nǝ miŋ min abɛ vuŋ kpa maa agli mgbamgbaŋ ne nkɔŋ kɛ tsetser bǝn nǝk ngɔŋ, 5 bane tik ayi ndi abɛ yaŋ zǝ Arik ba, ndi ba ne zhi Arik ba; 6 ne min kɛ lɛ kǝŋe, fɛ, kǝr nuŋ abɛ laa nuŋ lɛ kai abǝ zǝ Kristi yik ankɔŋ vuŋ ku ayi.Tanǝka gbaŋ zhin atɔŋ nǝ yiŋe, fe ta tara gbaŋ zhin atɔŋ tǝ Ŋgɔŋ atei sak abaŋ ndi ana mɛ iya. 7 Amɛ Arik bane zhɔ ta te ta bǝ na ki mimin ba, ne zhɔ ta te ta bǝ tsǝn tsetser. 8 Amɛ waŋ ndi te kyak zǝ lɛ kǝŋe bane kyak ineshir ba ne kyak Arik, Arik waŋ ndi ne nǝgu Izhu Tsetser maa.

9 Ba sɛ tanǝ na cɛr zhin nɛ atu ayi nyɛr yɛ kpa ba.Izhineba nǝ tu min Arik ane tsar zhin ir kǝŋ ndi izhin bǝ nyɛr akpa. 10 Fe izhin gli, ayi lɛ didik, izhin bǝ tsǝn bɔbɔk amɛ bǝn abǝ zǝ Kristi bɔbɔk ne Makidɔniya. Ndi iyɛmɛ ta bɛn zhin, akpa amɔr ben amunvamɔr, izhin bɛ tanyɛmɛ ne akpamin ngɔŋ.

11 Izhin bɛ nek atu amin te sɔŋ zhin keke ne akpamin, kɔte ŋɔwa abɛ tɔ ki yiŋ ndi iyi ne ti maa te na ndum ne ŋɔk amaa ir keŋ ndi tane bla zhin, 12 te izhin bǝ vuŋ asusun abaŋ ndi ba yi abǝ zǝ Kristi ba, kǝr zhin bɛ shur nuŋ ayi ba.

13 Akpa amɔr, ta wɔb tǝ zhin bǝ zhi zub nɛ atu yɛ abaŋ ndi nɛka ku, tǝ kǝr zhin bǝ duŋ asusun amin acok ala ba, ndi abǝ yaŋ zhɔk susun ba. 14 Ta tanyɛmɛ tǝ Yesɔ nɛ ku tɛ na lu, fena tanǝ tanyɛmɛ tǝ Arik atei baŋ abɛ zǝ Yesɔ tɛ kɔmɔ ndi ne ka ku nǝ tanyɛmɛ bǝne bɔu. 15 Ir keŋ ndi ilɛ kɛ Ŋgɔŋ ne bla, ta bla zhin te di taba baŋ ndi ta nak rei atsitsir, ndi ta tei yik nyɛ Yesɔ, bata tei kuti lu te duŋ abaŋ ndi ne ku ba. 16 Atei wɔ nǝ kɔr ngɔŋ, ikɔr kǝ inǝ shar ayou Arik, iglɔ yi mpluŋ kɛ Arik, bǝn Ŋgɔŋ nǝ tu maa atei zi are gbarshu. Abaŋ ndi neka kaku nǝ tanyɛmɛ bǝn Kristi atei kuti alu; 17 fe ta baŋ ndi ta yi atsitsir nǝ mkpaŋ yuŋɔ atei tuŋta biŋ nɛ akpa tǝ tabǝ yik Ŋgɔŋ nǝ shu. Ankyak ta tei sɔŋ kɔtǝ mkpaŋ takǝ bǝn Ŋgɔŋ. 18 Fena, nǝkzhin akpa sik susun nǝ nkan lǝlɛ yiŋe.