1 Bai kinuŋ yi na cɛr zhin ba, akpa, nɛ atu yi mkpaŋ bǝn ibɛr ndi kiki yiŋɛ tei na. 2 te zhin ne zhi bɔbɔk tedi iber yi nyɛ Yesɔ itei yi ndi ne zhib ne bu. 3 Mkpaŋ keŋ ndi aneshir adi aba sɔŋ <<keke ben sɔŋ kɛ sik,>> atei kam aneshir aku, ir keŋ ndi iwa azhin nnɛ kɛ ŋli, batei li aru ba.

4 Fɛ izhineba, akpǝkpa, ba zhin kusɔŋ nǝ bu ba, tǝ Bɛrɛ bǝ klazhin vu nǝ yaŋ zhi ndi nǝ zhib. 5 Bɔbɔk mine izhin yi aneshir abɛ laŋ amkpa aririk, ba ta yi abɛ bu ba. 6 Ne me, kǝr ta bɛ yi ndi abɛ yaŋ zǝ Arik ba, abaŋ ndi asɔŋ awa, ta bɛ sɔŋ shur ayi ne shur kpa. 7 Tǝ abaŋ ndi Akurna akurǝ ne bu, abaŋ ndi ahwa, asɔ ne bu te hwa. 8 Fe taba baŋ ndi ta yi abɛ aririk, ta bǝ tanyɛmɛ ne asusun amɔr tena nyɛr ne akpa tena duŋ ta ta shur bɛ yi ta adaŋgbaŋ, ane ku kpa ane tyak ikum te na zhɔk asusun kɛ ta zhɔk ndi akatak. 9 Te Arik bane hria ta te ta bǝ yik iyah ne bɛr yi nyɛ maa ba ama abɛ ta ta shur ne bɛr yi nyɛ maa ire bǝn Yesɔ Kristi. 10 Yesɔ ne ku ne atu amɔr, te ta bǝ sɔŋ bǝn abɔu kɔ tabǝ yi atsitsir kɔ ne miŋ kɛ ku, ta tei sɔŋ bǝn abɔu. 11 Ne me, bla zhin akpa te na lɔk zhin akpa te kli mgbamgbaŋ, ir keŋ ndi izhin nama.

12 Fe ta ben zhin abɛ zǝ Yesɔ, abaŋ ndi ana ndum kɛ Arik nek zhin ba ŋgɔŋ men, abaŋ ndi abla zhin lɛ kɛ Arik ndi aba yi angɔŋgɔŋ amin. 13 Izhin bǝ gli ba gligli didik ne ndum keŋ ndi ana kɛ. Izhin bǝ sɔŋ keke ne akpa min. 14 Tei na nek zhin lɛ, izhineba amunzumɔr bǝn amunvamɔr, izhin bǝ vǝ abaŋ ndi ate ankɔ, izhin bena lɔk abaŋ ndi ba klik ba, izhin bǝ na vuŋ asusun bǝn kɔte ŋɔwa. 15 Izhin bǝ te zee kǝr nuŋ bɛ na nuŋ ki mimin ir keŋ ndi ne nau ba. Izhin bǝ na akpa kiki didik ben aneshir bɔbɔk.

16 Izhin bǝ nyɛr kɔte mkpaŋ ta kɛ; 17 Izhin bǝ ben Arik kɔte mkpaŋ ta kɛ; 18 Izhin bɛ nyɛr Arik ne kɔte anii te waŋa ayi na Arik bǝn abɛ zhin ne sak kɛ Yesɔ Kristi.

19 Kǝr zhin bǝ kyak lɛ kɛ Izhu tsetser ba; 20 kǝr zhin bǝ yaŋ tɔ lɛ kɛ Arik yaŋ shak ayi ba. 21 Izhin bɛ tsar kɔte anii. Izhin bɛ gli iki yiŋ ndi iyi didik. 22 Duŋ tɔ zhin kɔte ki tayi ndi iyi mimin ba.

23 Ta ben Arik wa ne tu maa, Arik ne nǝk sɔŋ kɛ sik susun, te izhu min bɔbɔk,asusun amin ben akpa amin bɛ yi tsetser kɔte mkpaŋ a kɛ nyɛ Ŋgɔŋ Yesɔ Kristi. 24 Arik waŋ ndi ne zhɔ zhin ayi ne na ki didik, atei na zhin ne yi.

25 Amunzumɔr bǝn amunvamɔr, izhin bǝ bǝn ta Arik. 26 Izhin bǝ tek ta aneshir abɛ zǝ Arik bɔbɔk ne ku asa tsetser. 27 Nga Bulus mne baŋ zhin sak ne aŋɔk ayi Ŋgɔŋ te izhin bǝ tɔ cɛr iyiŋɛ bɔbɔk min abɛ zǝ Arik.

28 Didik kɛ Ŋgɔŋ Yesɔ Kristi bǝ sɔŋ bǝn abɛ zhin.