11 Gamhanan ikaw, talahuron, dungganon,
halangdon, ug dalaygon.
Imo ang tanang mga butang
sa langit ug sa yuta.
Ikaw ang hari, Ginoo,
ug labaw ka sa tanan.
12 Ang bahandi ug dungog naggikan kanimo.
Ikaw ang nagdumala sa tanang mga butang.
Gamhanan ikaw, ug ikaw ang nagbuot sa paghatag
ug kusog ug gahom sa tanan.
14 "Apan kinsa man ako ug ang akong katawhan nga makahimo man kami sa paghatag nga madagayaon sama niini? Ang tanang mga butang naggikan kanimo, ug gibalik lang namo kanimo ang imong gihatag kanamo. 15 Nasayod ikaw nga lumalabay lang kami dinhi sa kalibotan sama sa among mga katigulangan. Ang among kinabuhi dinhi sa kalibotan sama lang sa landong nga lumalabay lamang.