Apocalipse 1

17 Pagkakita ko kaniya, natumba ako nga mura nag patay diha sa iyang tiilan. Gipatong dayon niya kanako ang iyang tuong kamot ug miingon, "Ayaw kahadlok! Ako ang sinugdanan ug ang kataposan sa tanan. 18 Aduna akoy kinabuhi nga walay kataposan. Namatay ako, apan tan-awa, buhi ako, ug dili na gayod mamatay. Ilalom sa akong gahom ang kamatayon ug ang kalibotan sa mga patay.*1:18 kalibotan sa mga patay: sa Griego, Hades.