Ecclesiastes 1

4 Mahanaw ang usa ka henerasyon ug mopuli usab ang lain,

apan ang kalibotan mao lang gihapon.

5 Mosidlak ang adlaw ug unya mosalop,

unya magdali kini pagbalik sa dapit nga iyang gigikanan

aron mosidlak pag-usab.

6 Mohuyop ang hangin ngadto sa habagatan

ug unya ngadto sa amihan;

magtuyok-tuyok lang kini ug magbalik-balik.

7 Ang tanang suba nagdagayday padulong sa dagat,

apan wala kini napuno bisan walay hunong

ang pagdagayday sa mga suba.*1:7 bisan walay hunong ang pagdagayday sa mga suba: o unya nagbalik ang tubig sa iyang gigikanan ug nagdagayday pabalik sa dagat.