Mga Taga-Efeso 6

Ang mga Anak ug mga Ginikanan

1 Kamong mga anak, tumana ninyo ang inyong mga ginikanan kay mao kini ang angay nga buhaton sa usa ka nagtuo sa Ginoo. 2 "Tahora ang imong amahan ug inahan." Mao kini ang una nga sugo nga adunay saad; 3 ug mao kini ang saad, "Aron mahimong maayo ang imong umaabot ug lugwayan ang imong kinabuhi dinhi sa kalibotan."*6:3 Exo. 20:12; Deut. 5:16

4 Kamong mga ginikanan, ayaw ninyo hagita nga masuko ang inyong mga kabataan, kondili amumaha hinuon ninyo sila sa pagdisiplina ug pagtudlo nga gikan sa Ginoo.