17 "Pamati! Maghimo akog bag-ong langit ug bag-ong yuta.

Ang daang langit ug yuta dili na hinumdoman pa.

18 Busa paglipay kamo ug pagsadya

sa walay kataposan tungod sa akong gibuhat.

Kay himuon ko ang Jerusalem nga kalipay sa mga tawo,

ug ang iyang katawhan maghatag usab ug kalipay.

19 Malipay ako tungod sa Jerusalem ug sa iyang katawhan.

Dili na madunggan ang panaghilak

o ang pagpakitabang didto.