14 Apan tinunglo ang adlaw nga natawhan ko!

Wala ko ikalipay ang adlaw diin ako gipanganak sa akong inahan!

15 Tinunglo ang tawo nga nagbalita

sa akong amahan nga, "Lalaki ang imong anak,"

ug nakapalipay pag-ayo sa akong amahan!

16 Hinaut nga kanang tawhana mahisama sa mga lungsod

nga gilaglag sa Ginoo sa walay kaluoy.

Hinaut nga madungog ang mga singgit sa kalisang

ug pagpakitabang tibuok adlaw.

17 Kay wala niya ako patya sa diha pa ako sa tiyan sa akong inahan.

Nahimo ko na untang lubnganan ang tiyan sa akong inahan.

18 Nganong gipakatawo pa man ako?

Aron ba makita ko ang kagubot ug kalisod,

ug mamatay sa kaulaw?