12 "Apan asa man makaplagi ang kaalam ug panabot?
13 Wala mahibalo ang tawo kon asa kini makaplagi.28:13 kon asa kini makaplagi: o kon unsa kini kabililhon.
Dili kini makaplagan dinhi sa kalibotan.
14 Dili usab kini makaplagan bisan sa kinahiladman sa dagat.
15 Dili kini mapalit ug bulawan o pilak.
16 Dili matupngan ang bili niini sa purong bulawan sa Ofir
o sa mahalong mga bato nga onix ug sapiro.
17 Labaw pa kini sa bulawan o kristal.
Dili kini ikabaylo ug alahas nga bulawan.
18 Labaw pa kinig bili sa koral, sa haspe,28:18 haspe: usa ka matang sa mahalong bato. o sa rubi.
19 Dili kini matupngan sa topas nga gikan sa Etiopia28:19 Etiopia: sa Hebreo, Cush.
ug dili kini mapalit ug purong bulawan.
20 "Nan, asa man makaplagi ang kaalam o ang panabot?
21 Walay buhing binuhat nga makakita niini
bisan pa ang mga langgam.
22 Bisan ang dapit sa kalaglagan,
nga mao ang dapit sa mga patay,
pulos hungihong lang ang nadungog bahin niini.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)