Marcos 4

Gipahunong ni Jesus ang Bagyo

35 Sa pagkagabii na, miingon si Jesus sa iyang mga tinun-an, "Dali, motabok kita." 36 Busa gibiyaan sa iyang mga tinun-an ang daghang tawo nga nagtigom, ug misakay sila didto sa sakayan nga gisakyan ni Jesus. Adunay mga sakayan usab didto nga midungan kanila. 37 Ug sa naglawig na sila, kalit lang mihuros ang kusog nga hangin. Sige ang hapak sa dagkong mga balod, ug hapit na mapuno sa tubig ang sakayan. 38 Apan si Jesus didto sa ulin*4:38 ulin: sa tumoy sa sakayan. sa sakayan natulog nga nag-unlan. Gipukaw nila siya. Miingon sila, "Magtutudlo, wala ka ba mabalaka nga malunod na kita?"

39 Busa mibangon siya ug gimandoan niya ang hangin ug ang mga balod, "Hunong!" Ug mihunong ang hangin ug milinaw ang dagat.

40 Ug miingon si Jesus kanila, "Nganong nangahadlok man kamo? Wala pa ba kamoy pagtuo kanako?"

41 Nahadlok gayod sila pag-ayo ug miingon sa usag usa, "Kinsa gayod kaha kining tawhana, nga bisan ang hangin ug ang mga balod motuman man kaniya?"