10 Adunay tawo didto nga singkaw ug kamot. Ug adunay mga Pariseo usab didto nga naniid ug nangitag pamaagi aron ikasumbong nila si Jesus. Busa nangutana sila kang Jesus, "Gitugot ba diay ang pag-ayo sa masakiton sa Adlaw nga Igpapahulay?"
11 Mitubag si Jesus kanila, "Pananglit, aduna kamoy karnero nga nahulog sa bangag sa Adlaw nga Igpapahulay. Pasagdan lang ba ninyo kini tungod kay Adlaw nga Igpapahulay? Dili gayod! 12 Apan ang tawo mas bililhon pa kaysa karnero. Busa dili kita makasupak sa Kasugoan kon motabang kita sa atong isigka-tawo bisan kon Adlaw nga Igpapahulay."
13 Ug miingon si Jesus sa tawo nga singkaw ug kamot, "Ituy-od ang imong kamot." Gituy-od niya ug naayo kini, ug nahisama na sa pikas niyang kamot.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)